هادي هي انت
شمعة ضاوية فكل مكان
شعلة زاهية فكل ال*****
كتقاوني الاحتراق
باش تحققي المراد
بقوة وصمود غيرت كل ما هو شوك
اوبلسان الحب نشرت ريحة العود
قالو عليك ضلعة عوجة
وانت حققت شحال من درجةودرجة
صنعت التاريخ او واجهت المستحيل

اوا سمعوني يا قراء
نعطيكم شحال من مثال
أسماء سيدات كيحبو هاد البلاد
حققو مكتسبات ثقافية
اقتصادية واجتماعية
اوحتى سياسية
نبداو يا الحاظرين بفاطمة الفهرية
أم البنين الفاسية
لبنات أول جامعة عربية
جامعة القروين العلمية
وهبات العلم النافع أوحاربات الجهل والامية
أهنا ندكرو فاطمة الخال الوجدية
صاحبة الموهبة الاستثنائية
تابعات دروس محو الامية
حتى ولات مديرة أعمال حقيقية
أما نوال المتوكل المغربية
ففازت بمدالية دهبيَة
أولات وزيرة الشبيبة الرياضية
أنعرفكم بمريم شديد العالمة الفلكية
أول مسلمة عربية مغربية
ولات رائدة فضائية
أوصلت حتى المنطقة القطب الباردة
أما ثريا الشاوي
فهي أول طيارة فالعالم العربي الاسلامي
سبقاااات الرجاااال
أولات طيار جدير بالاحترام
هادي سعيدة عباد
أول امراة ساقت القطار
بينات بلًي قادرة تساهم فالبناء
أما أول قاضية فالعالم العربي
فكانت سلوى الفاسي الفهري
تولاًت كرسي القضاء فالمحاكم الادارية
بينات جدارة المرأة المغربية
للًي قادرة تكون عاملة وأم أزوجة مثالية
بحال هاد النسا كثار
ما شاركوش فمسابقات ملكات جمال
ولكن ساهمو فتأسيس البلاد
ندامجو فالمبادرة الوطنية
واستافدوا من برامج الصحة الانجابية
نجحو فكل المشاريع النسائية احتى الرجالية
هادي هي نت يا المرا المغربية
شاركت الرجال
أبنيت البلاد
أبقيت ديما رمز الحب و الحنان.