المشاركة الأصلية كتبت بواسطة houmidi59
خويا الشريف هاد الموضوع ديالك عجبني بزاف.راه سبق ليا فْشي منتدى كنت جاوبت على هاد السؤال ولكن باللغة الفرنسية.
اليوم غادي نجاوب وبالدارجة المغربية
الصراحة الاسم ديالي يرجع الى فترة الطفولة وعلى الخصوص المراهقة.ديكْ لوقيتة كنّا نلعبو الكرة .كان المدرب ديالنا عندو 20 عام وكان هو اللي يتكلف بتنظيم لقاءات مع فرق الحي.باقي عاقل كنّا نجمعو 10 سنتيم للواحد .من بعد الفرقة اللي تربح تاخود الحصة المجموعة ديال لفلوس.
المهم واحد النهار كان ماتش مهم .المدرب ديالنا عيّطْ لينا باشْ يختار أعضاء الفريق .من الصدف حْنا كنّا جوج اللي سميتْنا عبد الحميد
هي ساهلة يقدر يلغى لكل واحد فينا بالكنية ديالو ولكن خونا بالله شاف فيا وقال لي أنت غادي نْسمّيكْ حوميدي .
داكْ الشّي اللي كان
الأخ ديالي (حسن) غير سمعهاها وصّلْها سْخونة للدّار
منْ داكْ النهار الى يومنا هادا والعائلة والاصدقاء المقربون يْعيْطو ليا حوميدي
بالطبع خوكم اختار هاد الاسم الغني عن التعريف فكل المنتديات اللي تْسجّلْ بيها
الصراحة شْحالْ من واحد من أصدقاء الطفولة قْدرْ يتْعرّفْ عليا غير بكلمة حوميدي
لأنه لحد الآن ما كاينشْ شي مخلوق مْسمّي راسو حوميدي فالمنتدى