توحشت صوتي توحّشت صوتي قلّبت عليه مالقيتوفْ جوفي تلف بين حروفي زاد عليه خوفي عيّطت عليه فْ كل مكان بين لَجبال والادغال ف لمطامر ولمجامر راهْ مْهني...ولّى محروق راه يغني ...ولّى مشنوق راه مْسلسل...ولّى معتوق ...... توحشت نسمعو رعد ف السما يشق السحاب يفتح لبواب يبدد الضباب يبدل لعذاب يهَجَّر لغراب يْخوّف الذياب يفضح لكذاب .... تمنيت نشوفوسيف يقطع الرقاب يقاد الركاب يوطي لعكَاب يزوّل لكراب يمحي لعتاب يصرف لمكتاب ..... تمنيتو حمامة تغرد ف السما يرفرف ب جناح يوصل صوتها الصداح يوم ما كان لبراح يعطي لبشارة ب لفراح ونعيشو يّا مَات ملاح .... تمنيت نشوفو شمس مْلَعْلع وضّاح به تبرا لجراح بنادم يعيش مرتاح مايبقى شطاح مايكون نطاح ب لحق تعمر لقْداح ونسمعو يكبَّر كل صباح ك يكُولوا اللي يتمنى خير م اللي يتسنّى ونا مازال ك نقٌلَّب باقي ك نقَلَّب هنا ولهيه...لهيه وهنا يمين وشمال...لْفوق ولْتحت مانكُولش عْييت مانكُولش ملّيت ما نكُولش تْهديت بلا بيه شحال من حي ميت شحال من قريب بعيد شحال من حاضر غايب شحال من صحيح مريض شحال من عاقل مجنون ......
2014-01-28, 16:52
إحصائية
العضو
توحشت صوتي 
