حمادي ويا حمادي
دخل فالهم ينادي
ألخوت الدمير دمرناه
والمراد باقي ما دركناه

***********
حمادي قصاح كلحجر
يفيق بكري مع لفجر
باش يشق طريق مجهولة
ويطرد كل افكار معلولة
ينادي بلسان الذاكر
ويناجي بقلب الشاكر
دابا يحن الله
دابا ينوب الله

************
حمادي وياحمادي
قاسيتي وقت مطول
وبالانتظار كعلا تعول
بوعود مزيفة كذابه
توعد بها ذياب الغابة

************
حمادي ويا حمادي
إرادتك حديد
وكتعول عل لمجيد
وما كاين غير الله
وما دايم غير الله
************
حمادي ويا حمادي
عاود شمر من جديد
ربما تبان ليك مراكب بعيدة
تمشي بيك لشواطئ سعيدة
حيت انت عازم وميقن
بالنية والنخوة محقن
وانت ديما تقول
وتمشي صايل تجول
دابا يحن الله
دابا ينوب الله

* إلى كل كادح أو معطل يبحث عن العمل و يقاوم لسعات التهميش وعدم الإنصاف