ما يدوم حال

ما يدوم حال
ما يدوم حال يا مجدوب الغيوان
روحناك يا لعريس ل مك حادة
بنت أولاد شغوف ماما
يا احباب الغيوان. . . من عنده محبوبه عازه
وانا محبوبي جفاني
يا سيدي والناس راكده
ركدها برد الليالي
يا سيدي ليام دايزه
دوزها من عاشها عز ف أيامه
ما يدوم حال . . .
لا تبكي يا لالة . . اللي صاع يخلفوه الرجالة
لا تبكي يا لالة . . اللي صاع يخلفه مولانا

يـا احبــاب الغــــيـوان واحد مــنا صد الـبـارح
يـــــا احــــبــاب الــــغــــيــــوان زيــــن الخــالـة صـــد الــيــــــوم
يـــــا احــــبــاب الــــغــــيــــوان زيــــن القـــامة صـــد الــيــــــوم
يـــــا احــــبــاب الــــغــــيــــوان رفـيـق الـمـوال صـــد الــيــــــوم

مــــا يــــــــدوم حــــــــــــــــال كلشي غادي والدايم مولانــــــــا
مــــا يــــــــدوم حــــــــــــــــال خــيــي كــان عــايــش مــعــانـــا
مــــا يــــــــدوم حــــــــــــــــال واليوم ف احماك يا العالي مولانا

خيي صــــــــــد الـــــبــــــــارح واه مـــــــا حـــــــر فـــــراقـــــــه
صاقو ريـــــــح خــــبــــيــــــت حـــــــــــاز عـــــــمــــــــره وداه
مـــحـــال واش نـــنــســـــاك يــــــا مـــجـــــدوب الــغـــيــــوان
يـــــا قــنــديــــل الـــغــــيـــوان
يـــــا مــجــدوب الـــغــــيـــوان

مـَـزِّيــنْ مْــدِيــحـْـكْ

مزين مديحك
ما كيفه تجارة يا رسول الله
مزين مديحك
يا المِيرْ فْ الشتا والگسْ كثير
مزين مديحك . . . يا بو فاطمة
خير لي من مال الدنيا يا رسول الله
خير لي من مال الدنيا واللِّي تـْهِيلْ عليه
خير لي من مال الدنيا اللي داك وداك شْبِيهْ
آه ورجايا غير فيك يا ربي بالنبي تـَلـْگِينِي
مولانا صْرْخْتُه قريبــــة يعلم ما راد بين حرف الكاف وان
وْيْرْدْ الرَّاشْيَة جديـــــدة سيدي ما تضرگ عْلِيه المَخـْـــزُونْ
والله إلى بغى ينطــــــق لَ كُونْ لَحْجَازْ الصَّامْتَة تيـــــه
والله إلى بغى يصــــدق لَ كُونْ العبد في صَمـَّــــــهْ يْغــــهْ
وَادَايْنِي يَا دَايْنـِــــــي أشنه غطاك الليلـــــي
يــا خيــي يــا خيــي أشنه غطاك الليلـــــي
عيد لي خبار لبــارح راه قلبي مجـــــــروح
البارح كنتي ســـارح واليوم راك مســروح
أشنه ذنب يـَـــــافــَــا وُحَيْفـَـــــــا وُعَكـَّــــــا
ياك غلبو ما عفــــــو يـــاك ثَقـْلُـو مَا خفـــو
ياك عذبونا وُكَلـْفـُـــو يـــا دينــي يــا دينــي
صبرك عل الدل خِيِّي ما نزيدك غير مدلـــة
وإلى سكتـــي خيـــي عل الظالم زاد تْعـْـــلاَ
وإلى كنت حر خيـــي زَوَّلْ هـَــــــادْ العلـَّــةَ



نَــــدَمْ

قصة العگوز ديك المرحومة
نسخوها ف لكتوب صارت مرشومة
واصحاب النبي صْيْدُو جُوبَى وَاقْفَارْ
لحقو كافر دليل عدو الرحمان
نعتو لو بالسلام جملة يا حضار
تفعفع ولا يخاف ولد المخزية
وقال ليهم : السلام ليكم لاَ يَذْكْرْ
منين جيتو يا القوم المعمية ؟
إلى جيتو من بلاد الرُّومِيَّة
ناتيكم لخمر طاسات قوية
لحم الخنزير زين وطعامه ما احلاه
وجاوبوه ساداتنا مواليه النية :
لحم الخنزير ما هو لينا يذكر
وحنا هما لليوث رگراگة لحرار
حنا هما اصحاب مولاي محمد
واتقدم داك الشجيع سيد الرجال
واقبض داك اللعين سَلَّلْ لُهْ وْدِنُيهْ
قال له : هاك الكلب دِّي لُهْ لْخْبَارْ.
سبعين باش جات الكافرين
واصحاب النبي غير قلة ف الوجوه
وشحال من شباب كلها سارت لله
وما بقى إلا الشجيع سيد الرجال



نـَـاظـْـمِــي

نْگولْ أنَا ظْمِي مْحْزْمْ بْــهْــبـَـالِــي آيْلـِــي يَــا يْــلـِـي يـَـا مـَــالــي
والعــــذاب مـن حـرها كــــيـــــــة
رافگت الشمس ف الدورة نْتْلاَقَاو رافگت الليل ف سَامَـــــاوْ
نرافــگ النــاس و مــا نْتـّـَـــــوَاوْ
غنيت لهبال ف حياتي بالمـــــوال حكيت لرموزلمثقـــــال
عاشرت الناس وجــانــي لهبـــال
گلت ليهم نتوالمو گالوا شحـــــال گلــت ليهــم نتساالــــوا لاَ
وشعلوا ف عْظَايَا حر الســــــوال مشيت هايم وحدي مسكون علـــة
فنيت ذاتي لولفي والغاية تطــوال غير حيروني وردوا شْكـَـا
يــا الظالم من بعد يُومُـه يْـبَـــــانْ يا الخاين لْظَاكْ فْ جُمْرَه هْبَــــا
إيـام الذل بـهـا الـعـالـم مـيــــزان طالع هابط وَحْدَكْ وَالدْشُورْ نفَة
يا أهل لِيغَارَة وحكيت ما كــــــان للجيل الماجي أنا خليت مَفـَـــا



نــرجــاك أنــا

يغيب الطير
لعقاب لخطير. . .
مخايله ما غلبو . . . والمصير
السنتير يرين . . . نغامه عل لحضير
سكب وتعبير . . .
. . هاد الدنيا ما تدوم الغاويك شگاها
شحال من عظيم تعظم وخلاها

نـــــرجـــاك أنـــا إلـــى مشــــيت فكــنـي مــن بعــادك إلــى يـد
آي قــــــد زايـــــد ف الــــهــــــم واو مــا كـوانــي حــر المـــــوت
خــــــــويـــــــــا الــعــــــربـــــي واه يـــــــــــــــــا العــــربـــــــي
وا حيــــانــــا الأيام وا حيـــانــــا آش بغـــيــــت أنــا بهــاد العالم
وا حيـــانـــا لــيــام وا لا نــظــام غير الفوضى وزيد الگـــــــام
مـــن شـــر الدنـيــا گـلبــي مــال كثرة البغـض وگال . . .گال
اخســاره مــن نقصــه لفــهــــام وزاد ف عــــذابــــه تـــخــمــــام
اكـحـــل وابيــض بـحـال بـحـال وعلاش الشبكة تعيبال؟

ناس المعنى

الله الله يا ناس المعنى الله يا ناس المعنى
نـقـطـــع ويـــــدان نـقـطـع جــبــال شـامــخـــة
أنتيه ف صحـاري ضـاجـة بـريـاح عـاتـيـــــة
يا شيخي ف الحال جرحني حب الناس جرحني
يا سيدي ف الحال جرحني ولف الناس جرحني
يا شيخي ف الحال سم الحية يتداوى
نبكي أنا على فراق محمد
ماني باكي على بلاد تجور عليا
الله الله يا ناس المعنى الله الله يا ناس المعنى
نغني أنا نطوف ف بحورمـعــانــي ناس الخاوة هاج ذا الحال عليا
نتذكر أنا نقول الزمان يـحــافـــــي عهده ديما يجافي أرواح سخية
الله الله يا ناس المعنى الله الله يا ناس المعنى
نبكي أنا على المغدور ف حـيـاتـه حـر دمـوعـه فـاق حـر الـكـيــة
الله الله يا ناس المعنى الله الله يا ناس المعنى
نمشي ونجي انتيه فدروب هوالي عـليك اللعنة يا إيـام اخـطـيــــة
الله الله يا ناس المعنى الله الله يا ناس المعنى
ما عاد حد يبغي حد
ولا عاد حد يسمع حد
الدوخة هادي وصداعكم يا مقواه
ما عاد حد يسمع حد
طريق العاهد طويلة
والماشي فيها قليل
كثرو عشاق لكلام الخاوي كثرو
الدوخة هادي وصداعكم يا مقواه


نرجاوك عل الدوام

يا أرض الله الواسعة مالك ضقتي بحبابك
احكي لينا واش جرى احكي لينا على عذابك
يا أرض الخير والسعادة مالك غذرتي بحبابك
عاودي لينا واش اجرى وشكون شكون صد بابك
زرنا يا حبيب الخاطر زرنا و نزوروك
لا تطول غيبة نرجاوك عل الدوام
زرنا يا محبوب الگلب زرنا و نزوروك
لا تطول غيبة نرجاوك عل الدوام
ما يحلى لي يوم غبتي ولا تحلى لي سوايعه
تحرار النعمة يا ويحي ما يحلى لي كلام
الناس بحبابها تكون هي ديما ف شان عالي
ونا يا سيدي فراقك عنو م گالو مقال
زرنا يا محبوب زرنا و نوروك
لا تطول غيبة نرجاوك عل الدوام
لو كان الجهد جهدي نعرف أنا ما ندير
نضر النار ف لفراق نرمي رماده ف صحاري
نلاگي گلوب المحبة نلاقيها عل الدوام
يلگي الصديق صديقه وينساو إيام لعداوة
زرنا يا محبوب الگلب زرنا ونزوروك
لاتطول غيبة نرجاوك عل الدوام
تلگى خليلة خليلها واگف على باب الخاوة
ويعود الغريب بين أهله وتلگى ما ضاع ليه
ويعيش إيامه زينة يعيشها خيي بالتمام
يعود الولف للوكر ويتوانس القحط ولمرارة

رد بـــالـــك

عدياني بكم ألالي
حافظ ف ضميري شروطكم
عشاگ ليكم مكسوب
فلة الشي مولاها محگور
غير لاتزيدو شي
ما يعرف بين صديگه وعدوه
ما يعرف الشي والماهو شي
أنا وانتو لحباب اثنين
وكانت مافيا نية غبرانة
وظهرتو عندكم تنساوني
عا تضرگ عنكم تنساوني
عدياني يا عدياني

رد بالك يا معشر النـــاس الــيــــوم
ما بقات معاهم عشرة ولا محبـــــة
آش را من لا را گلبك يكون غيظان
كاوياه الحگرة ب مسامر لــجـــــلا
كالگمري يلجموك بسروجهم لقوام
ويطلعو بزر يجـــربـــو الـــركـبـــة
وأنت حالك ديما سقيم مشيــــــــان
ضاع شغلك ولا ف يومك يربـــــــا
بين اللوايح تبات محروم ولهــــان
وتنوح نواح موكة ف خــــربـــــة

شحال من أصحاب درتهم كالسما ونجوم
وحضيت جمرهم لا يــعـــــود يــبــهــــى
غير نتبرم ينعتوني ب ف كــل مذمـــــوم
ويغيــــرو حالــــــي يولــيـــو جـــربــــة
بعــد الربحــة يصيـرو ذبحات بسمـــــوم
كالطيــور يخطفــو و يطيــرو ب زربــــة
كالقطوط تموك و عل الطعام تحـــــــــوم
كالديــــوك تعــــرش وتنقــــب نقـبـــــــة
شحال من خلية درتها نويتها تـــــــــدوم
وحين نوعى براسي نلگاها عـطـبـــــــة
غـيـر يـقـل مـالـي وتـرجـع زگـــــــــــوم
من بعد العشرة معاها تصير كذبــــــــــة
ب نفايــق ليــا وانــا غفيــل مغــمـــــوم
غيــر نسهــى وتغيــر غــيـران كـبــــــة
كالـلـفـعـى تـولـي ف أيــام الـــشـــــــوم
هـــازا نــيــابــهــا وتـسـنـى الـضربــــة

غاصني بالقسم ف ذا الزمان مغمـــــوم
لاح گلبو ف ساحة لمعارك يتخبـــــــــى
وحلفـت ليـام ب عذابـه حتـــى تــــــدوم
ضربــة ب شواقــر تـنــزل ضــربـــــــة
كاويـاه بالنيـران والـكـي مـوشـــــــــوم
حـالــتــه بـالشـيــان مــالــكــاه نــكــبــة
وجـيـرتـه بالتـيـهـان كالرسـم مرســـوم
ف قـبـــور النسـيـــان بـانـيــاه قـبــــــة