إيــــــلا....................في الأمثال الشعبية المغربية


1*-ايلا شفت قشابت خوك فالسوق عرف قشابتك تابعاها.
2*-ايلا ودن الظهور ما بق لمرا فين الدور.
3*-إيلا من الله مرحبا وإيلا من العبد لا سماحة.
4*-ايلا مشا لحيا كيحضر لبلا.
5*-إيلا لحق العاصر ما بقى ما تعصر.
6*-ايلا شفت العزري عواج عرفوه بغا الزواج.
7*-إيلا تلفت شد الارض.
8*-ايلا شفتني راضي عل لعدو عرف بلي بنتي عندو.
9*-إيلا لحقت ودنك عضها.
10*-إيلا مني ومنك تنطبع وإيلا غير مني تنقطع.
11*-ايلا غرست العود يعطيك الغلة وايلا غرست بنادم يعطيك العلة.
12*-ايلا شفتى الدرية حادgة عرف بلي امها معgـــازة.
13*- إيلا كان القاضي خصيمك غير جمع رسومك.
14*-ايلا بغيت لخبار تلقاه عند الحاجبة فالدار.
15*-ايلا جا رمضان فالسمايم كيبان المسلم المزور من المسلم الدايم.
16*-ايلا كان اباك لبصل او امك هي الثوم منين غادي تجيك الريحة الطيبة يا مشموم.
17*-إيلا طارت حربة وإيلا لصقت مسمار.
18*-إيلا جات كتجرها سبيبة وإيلا مشات كتقطع السناسل.
19*-إيلا نزل القضا كيتعماو العينين.
20*-يلا فلس التاجر كيولي سمسار.
21*-إيلا عاشرت عاشر المير وإيلا لبست لبس الحرير.
22*-إيلا جعت كل الرمان وإيلا شبعت كل الرمان.
23*-إيلا هزيل كل الراس وإيلا سمين كل الراس.
24*-إيلا مشى الزين كايبقاوا حروفو.
25*-إيلا بان المعنى لا فايدة فالتكرار .
26*-إيلا شفتي الحنش غليظ..عرفوا سارط خوه
27*-إيلا شفتي النمل فالدروج..عرف العسل فالمصرية.
28*-إيلا كان الراجل واد كتكون المرا ساقية.
29*-إيلا هربت هرب لجبل وإيلا سرقت سرق جمل وإيلا صحبت اصحب شريف.
30*-إيلا قلت ليك آسيدي،ما تبعنيش فالسوق.
31*-إيلا بلاك الله بالحديد شريه جديد.
32*-إيلا بغيتي تعدم صاحبك سلفو.
33*- إيلا اعطاك العاطي لا تحرت لا تواطي.
34*-إيلا طلقتيها لا توريها دار اباها.
35*-إيلا عجبك حالك رد بالك.
36*-إيلا كبر ولدك خاويه.
37*-إيلا حضروا الشياطين كيهربوا الملائكة.
38*-إيلا حضر الما كيترفع التيمم.
39*-إيلا دخل مايو حصدو وخى يكون فلايو.
40*-إيلا مشى الزين كيبقاو حروفو.
41*-إيلا شفتي لحية دصاحبك تحسنات فزg لحيتك.
42*-إيلا رخص الشعير كيغلاوا الحمير.
43*-إيلا تزنك الحبل ما بقالو غير التقطاع.
44*-إيلا كان على التفاح من يدينا فاح،والى كان على الحبق من يدينا سبق.
45*-ايلا شبعت الكرش كتقول للراس غني.
46*-إيلا شافتها الغنم ما ترعى .
47*-ايلا شفتي الطويل هارب عرف القصير تابعو.
48*-إيلا شفتي المزلوط زربان اعرف المرفه مسخرو.
49*- إيلا بغيتي الزين اصبر لتقيب الودنين
50*-إيلا بغيتي العسل اصبر لقريص النحل.