2013-08-27, 22:33
|
رقم المشاركة : 42 |
 إحصائية
العضو | | | 
|  رد: اجييو الزجالة نلعبو مالة بالحروف......الحرف الوافي
|  |
ضاع مني حرفي فالزحام
وأنا غافلة ماشية لقدام
قلت ناديه هاد الأيام
نرد بيه على زينة الكلام
قالي نسيتيني هادي اعوام
ماسولتِ فيَ مارسلت لي سلام
مشيتِ وخليتني تدوس علي الاقدام
دابا ماينفعك الندام
لله يا الزجالة
واش ترضاو لي بهاذ الحالة؟
ساعدوني يرجع لي حرفي
يرحم هواني وضعفي
لاتبقى ياحرفي مني تالف
وعلى رجوعك لي حالف
وقلامي فيدي مرتعش خايف
راني عييت بالتخمام
وْلِّي تضحك الأيام
نفرحو ونهزو العلام
ونلعبو مالة مع الزجالة
|
|
|
|  |