منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

هذا حال الدنيا

سخن الطرح
والطرح من زمان سخون
تفتح الجرح
والجرح فالضلوع مدفون
العالم اصبح مجنون
الفرح ولى قرح
وبنادم ولى مشطون
فين لمة لحباب
وسط ذاك السطح
وفين ذاك القلب الحنون
خلات الدار وغابوا الصحاب
والحب اصبح مسجون
فين ايام الشباب
وفين طرب الملحون
فين تقرقيب الناب
ودخان ذاك الغليون
مابقى غير نعيق الغراب
ونواح البوم المجنون
الله يرحم اللي جا وجاب
باش يفاجي هاذ الجو المشحون
الزمان كشر على النياب
فرق لمة لحباب
وكل واحد فينا
تقوقع كيف الحلزون
مالك هكذا يادنيا
خاب فيك المظنون

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة