انت يا مول السيارة والكار
معاك شلا نفوس من لباشار
خاف من ربك لواحد لقهار
لا تجري وتعاند لا تكون ثرثار
ترزن لحديد في الطريق خطار
وانت يا راكب الدراجة ولجرار
احضي من الطريق راها منشار
باراكا علينا من لكسايد ليل ونهار
كل عام ندفنوا من الأرض اكتار
الطريق ليها قانون علينا صار
لا نخالفوه تصيبنا وغيرنا لضرار
يا السايق شكون خليت في الدار؟
لا تزرب تتعطل ، راه الجهل عار
سر بالمهل وفراني ولو على فار
شحال من معوق سبابو مسمار
وشحال من ميت كان سبابو بار