منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

الله يرُدْ بيك ياصاحبي الله يرُدْ بيك

جمرة شعلت فقلبي
لهيبها اليوم زندْ
ناضت لعوافي من جنبي
حالي منها ياناس تهدْ
اللهم ياربي فاجي كربي
باب الرحمة مايتسدْ
أنا نطفي لعوافي
ولاخر يسوط عليها تزندْ
ذبحتيني ياصاحبي بموس حافي
كيتك مُحال شي نهار تبردْ
يا الجافي لاتحافي
اعط اليوم
باش تلقى غذا ماتردْ
توضّى يابنادم وعوم
باب التوبة مايتسدْ
صل وخشع وصوم
طريق الخير ماتتحدْ
الله يرد بيك يا صاحبي
ويشوف من حالك
أنا مديت ليك يدي
ومال يديك مابغات
فيوم تتمدْ ؟
درت معاك كل جهدي
وانت مابغيتي تتهدْ
ليك وصية من عندي
ياصاحبي ياولد الدرب
لاتثيق فصحبة سلك وعدي
فوقت الشدة يديهم ليك
مايمكن تتمدْ
وبيبانهم ماكاين
غير رْدَخْ وسدْ