اقتباس: المشاركة الأصلية كتبت بواسطة mustapham صراحة فاش قلتي كا تعجبك سباكيتي بالبيشاميل في الفرن، قلت مع راسي مادام أختي الحرية طباخة ممتازة أكيد هاد الطبق غادي يكون مميز و قلت مع راسي نقلب على الوصفة في الشبكة العنكبوتية، و لقيت هاد البركة شوفي عافاك واش هي هاديك، لأنني غا نجربها يوم الأحد المقبل و نرد عليك الخبار الوصفة التي وجدتها: اولا كنشحر شوي بصل مع الزيت ونزيد طماطم +التوابل +معدنونس +كفتة نطيبهم ونخليها على جنب ثانيا كنصاوب لاصوص بيشاميل وكنسلق السباكيتي مع شوي ملح وزيت الزيتون ونصفيها ثم كنزيد عليها شوي لاصوص بيشاميل من بعد كناخد المول ديال الفران وكنعمل تفريشة الاولى ديال السباكيتي ونفرغ من فوقها خليط البصل والطماطم والكفتة ثم نزيد السباكيتي اللي بقات ومن الفوق نفرغ لاصوص بيشاميل اللي بقات يمكن تزيدي شوي فروماج محكوك وكندخلها للفرن. بالنسبة للبيشاميل راها ساهلة كناخد 2 معالق زبدة ونزيد عليهم 2 معالق دقيق فورص ونوضعهم في كاسرولة فوق النار ونحرك بما داب الدقيق في الزبدة وكنبدا نضيف 1/2 لتر حليب وانا كنخلط حتى كيبدى يعقاد الخليط ثم كنزيد شوي ملح وابزار وشوي الكوزة محكوكة وهاهي البيشاميل وجدت. سير الله يرضي عليك هي هاديك غدا نجيبها ليك طايبة هههههههههههههههههههه لك شكري العميق
