الكفتة لي كنحضرو بيها الصوصيص كتكون فيها توابل خاصة هي لي كتعطي اللذة والمذاق الطيب.ما كنستعملوش معاها ابدا البصلة او الربيع او الثوم.والى بغيت يجيك الصوصيص غزال بحال ديال المحلات التجارية الكبرى تبعي معايا.

اولا خاص المصران يتغسل مزيان حتى يولي شفاف.

الكفتة خاصنا نطحنوها 3 او 4 مرات حتى تولي رطبة.

مقدار الشحمة ما خاصوش يتجاوز 100 غرام لكل كيلو كفتة.

اما التوابل فبالضافة للابزار والملح والتحميرة والسودانية والقزبور يابس استعملي معلقة كبيرة من خليط بسيبيسة و النويورة لكل 500 غرام كفتة هادو هوما لي كيعطيو ذاك المذاق اللذيذ للصوصيص.

ما تنسايش منين تبغي طيبيه تقبيه بالابرة باش ما يطرطقش والى بغيت تقليه او تشويه ويبقى محتافظ بالشكل ديالو خاصو يكون بارد مزيان من الثلاجة للنار.

هادي طريقتي مجربة عدة مرات كيجي بيها الصوصيص كيحمق لي كلاه ما كيصدقش انه ديال الدار توكلي على الله وجربيها حتى انت والله ما تندمي .