شباكية هشيشة مع اسهل طريقة للتشباك بالصور
مقادير الشباكية
شباكية صراحة كتجي بنينا و هشيشة
زلافة زيت لعود + زلافة زبدة دايبة +1بيض +زلافة لوز
محمر و مطحون+زلافة زنجلان محمر و مطحون
+نصف كاس الخلشوية كوزة+1ونص خميرا حمرا
+م ك النافع+م ك حبة حلوة
+زلافة ماء زهر+قبصة ملح+الزعفران الحر
يمكن استعمامة ضامة الزعفران
الدقيق في الاخير
العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة
اليوم جبت ليكوم شكل جديد لشباكية اسهل منو ماكينش خصوصا لبنات لي مكيعرفوش لتشباك
وحاجة أخرى ان هاد الطريقة مافيهاش تمارة ومكتبقاش ليك العجينة بزاف بحال شباكية العادية ودغيا كتسالي بدون تعب جيبت ليكم
طريقة تحضير الشباكية
كنطلقوا العجينة و نقطعوا أشرطة
ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة
[IMG]http://3.bp.blogspot.com/-_hbFQ5DoT34/T_MvpwUa75I/AAAAAAAALZc/hegrU**BqLM/s400/2.jpg[/IMG]
و فالأخير نلصقوا راس دشريط مزيان
و هاهي واجدة
نقليوهوم ف زيت ملي يتحمرو شوي نرميوهم مباشرة ف لعسل و نديرو ليهم زنجلان
و بالصحة و الراحة
بالصحة و العافية