رد: من منكم يجد لها عريسا؟؟؟؟؟؟؟؟؟؟؟ | تبارك الله الزين المسرار و التجريدة كاينا و العيون عسلية الميك آب قمر 14 و العقيق ف العنق على سنكة عشرة آش بغيتو مازال؟ سي أمين المكسيكي، راني مهتم بالإعلان ديالها و بغيتك توقف معايا ف هاد الضوصي عافاك، هاد البوكوصا عاجباني شكلا بعدا على الأقل، المضمون و الشخصية حتى نتلاقا بيها إن شاء الله و نحكم و نشوف و نخمم ألف تخميمة و تخميمة و نضرب بالمقص ديك الساعة...
المهم راه قلبت مزيان و لقيت لادريسا ديالها، شوف عافاك واش هي هادي:
رقم الشجرة 5 ، حي النسانيس، غابة المعمورة، 85000 حديقة الحيوان
سي أستاذ، أنا مولاها، أنا لها و هي لي، فين إيبان أشرف قدامي، راني باشموهندس قد الدنيا و مالوي هدومي أ مولاي... المهم راه غا نحتاجك تمشي معايا نخطبوها، غير وجد الشواري د الصوف الواعر ديالك و البردعة د الكوير الجديدة ديالك، راك غزال فيهوم.
راه غادي نحتاجك حتى نتي أختي الزرقاء مادام نتي خاطبة، راه أنا موجد الهدية للعروسة: رموك د البنان، عالاه غير تقبل علينا... | التوقيع | هل جلست العصر مثلي ... بين جفنات العنب
و العناقيد تدلـــــــــــــت ... كثريات الذهب | آخر تعديل mustapham يوم 2009-12-25 في 02:48. |