منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

مسكون بيك
يالالة دنيا
مسكون
مفتون بيك
يالالة دنيا
مفتون
سكنتي بين ضلوعي
بحال السيف المسنون
ياك كنتي
يالالة دنيا
انت ليلى
وانا ذاك المجنون ؟
ثقت فيك يالالة دنيا
وقلت فنفسي :
ملكت هاذ الكون
فرمشة عين
خليتيني يالالة دنيا
بحال الحجر
فالركنة مركون
علاش يالالة دنيا
علاش تديري معايا
هاذ اللون ؟
مالك يا لالة دنيا
مافيك أمان؟
بحال السكين
المسنون
كويتيني يالالة دنيا
بقضيب حامي
وخليتيه فقلبي
مدفون
ياك كنت نجي لدارك
يالالة دنيا
ندخل بلا دقان
وبلاقريب
أو شكون ؟
ياك دارك يالالة دنيا
كانت هي داري؟
علاش اليوم
خاب فيك المظنون ؟
إيييييه!... يالالة دنيا
إيييييه!....إيييييه!
مابقات فيك نية
ملي خاويتي الغدر
وغواك ذاك الشيطان
الملعون