المشاركة الأصلية كتبت بواسطة ابو العز
بنادم يا بونا ادم
براكا من التخمام
نفض عليك الغبار
وقرب من الله الواحد القهار
وغن مع حمامة السلام
انشودة احنا اولاد العالم
يزول عليك الهم والغيار
ويحيد عليك من الهم قنطار
هزيتي على كتافك هموم العالم
وكلتي مع راسك انا زايد لقدام
لا لا يا بنادم
يا بونا ادم
احبس احبس لفران
واعبر الكلمة فالميزان
النحس يطير ويدي معاه التخمام
والحالة تولي زينة
ويصفقوا عليك الجيران
يرقص ليك القمر فوضح النهار
والنجوم تشد ليك الميزان
ويغني ليك الليل بالجهار
يا بنادم يا بونا ادم
يا بنادم ثبت لقدام
يا بنادم دير ليك لجام
راك تايه تحلم
وتفيض دموعك
وتدكر ديك ليام
وتبدا تصيح وتنادي
فين اهلي وفين احبابي وفين الجيران
فين لصحاب وفين لخوت وفين الميزان
وكحوا لبيار
خوا الدوار
وطار نعاسي يا ناسي
وتهد ساسي
وبقيت وحدي نقاسي
همي كبيرهاز منو قنطار
الشكوى لله يا حضار
ندكر ايام العز وركوب السربة
ونقول راسي يا راسي سيحة الزربة
يا الادمي لا تثيق فالدنيا
راها تدور بيك كيف دارت بيا
عيش حياتك ولا تكون بحالي مغرور
فكر فزمانك لقصيروقطع جميع البحور