المقادير:3 بيضات،كاس شاي سكر،كاس شاي زيت،2 فاني،petit اوmaria مقطعين طراف صغار،2باكيات كاوبيل صغار او واحدة كبيرة،شوية كوك.الطريقة:في كاسرونة نديرو البيض،الزيت،السكر،فاني،نحطوه فوق نار مهيلة مع التحريك المستمر،منين نحسو البيض طاب و الخليط عقاد نضيفو petit مع التحريك بسرعة،نوجدو ميكة،ندهنو يدينا بشوية زيت و نحاولو نديرو على شكل قضبان فوق الميكة و نسكدو بيها حتى يجي مدور كيغادي يبان في الصور.نديرو القضبان ديالنا في المجمد شي نصف ساعة او اكثر،حتى يشدو راسهوم مزيان.نحيدو الميكة و نحربلو في الكوك.نقطعو دوائر و ها الحلوة ديالنا واجدة نتمنى تعجبك ،ما تنسايش تحافظي عليها في الثلاجة من الاحسن.