منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

قالوا لي علاش ديما فكعان وما تكتب للي تفرح
وانا شفت الدنيا مزيان ما بان لي غير اللي يجرح
كنكتب على لحباب و العديان و المنكر انا بيه انبرح
ما كرهت نكون هنيان و على جنبي ناعس مسرح
بهاد الوضع صبحت عيان واقف ولا ناعس نتقرح
بالجفاف جفت الويدان و شكون باقي يزرع و يفلح

المعامل سدوا البيبان و حق الدرويش شكون بيه يصرح
الشباب مخدر و سكران حيت ما تربى في الصغر ما تملح

**************

كل نهار في الصباح نفيق
غادي جاي مع نفس الطريق
حياتي روتين ما فيها تشويق
داخل سوق راسي لا صاحب و لا رفيق
اليوم ما بقيتي تلقى فيمن اتيق
لا من يدق بابي لا عم ولا خال و لا شقيق
اللي توقف معاه يعمل ليك تحقيق
او حتى الى حليتي عينيك او بغيتي تعيق
تلقى راسك مكتف او سايرين عليك بالتصرفيق
كلشي صبح واضح او باين بلا تقليق
لا كلمة مرصعة و لا حرف رقيق
راه دنيتنا اليوم ما بقى فيها ما يليق
حياتنا احزان و شكون غيرك يا ربنا يكون بينا شفيق
(منقول)