ترقبوني في المونديال
بروفســــــــور
السلام عليكم ولله بين الامس واليوم تغيرت شحال من حاجة اليكم مثال بسيط ملي كاتفرج فمقابلة للمنتخب الوطني قبل 2005 - كاتجلس قبل ساعة قدام التلفزة باش تابع التحليل كاملوا - كاتمشي للتواليت باش متعنكش ملي يبدا الماتش - كتزيد للتلفزة (حتا ان الجيران كايتشكاو من الصوت العالي ديال التلفزة ومحساك ماليل الدار) - كاتجيك التبوريشة حينما كتسمع اسم ديال شي لعاب ولا النشيد الوطني - ملي كاتبدا المقابلة كتبدا ترعد كاملك وتولي تغوت بوحدك - ملي كاتقوليك الوالدة سير تسخر كتبدا تغوت عليها وملي كاتقوليك هالسخط هالرضى كتختار السخط من اجل الفريق الوطني - كايتماركا البيت كادير حالة فالداروكترجع الصالون لينتا مريح فيه حالة نرجعو الى ما بعد 2005 - كاتكون gــاع مامسوق لحد انك بعض مرات كاع مكتفرج فالماتش - كتشوف فالماتش وراسك كايفكر فحاجة خرى - كاتقوليك الوالدة دوز تسخر كتلبي النداء وكاتبقى نص ساعة كاتجمع معا الدراري والماتش كاع ممسوق ليه - كاتماركي الفرقة الاخرى كايجيك عادي جدا - كتبدل القناة فاش كاتفرج قبل ما يتقاضى الماتش سبحان مبدل الاحوال