منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

حنَّات فينا الأيام
صفا الحال
وحايد لغمام
ارتاح البال
ومابقى تخمام
طار وعلَّى الحمام
وجانا الجاه والمال
بفضل الله المتعال
وشمَّرنا على الاكمام
وحققنا الاحلام
فيلات فوق الجبال
وسيارات ديال الهبال
وجانا ذاك الحال
وغنّينا وشطحنا
ودردكنا
شحال وشحال
حتى واطينا الجبال
وهزّينا لعلام
والمال شاط علينا بالعُرَّام
صدّقنا من مالنا
شحال وشحال
وماخَلّيناه يغمال
كيف اقوالنا
كيف افعالنا
ماراكمنا المال
بحال الناس الجُهَّال
كيف الجبال
أو سدّينا عليه بالأقفال
فبنوك الرُّوم والعَجَم
صَدّق يابنادم من المال
راه المخصوص عليك عوال
صدقو يفيض عليك
ويرتاح ليك البال
يقدر مايكون ليك
ويكون ديال الله المتعال
دارك انت غير طريق
باش تفرقو
على اللي على الله
وعليك عوال