التّسليم يا ابَّا ساسا التسليم هاقلبي, هاتخمامي ,هاباش ياتيني الله هاك البياض, هاك الفتوح هاك الرياض ,هاك البلوح جيتك من بلاد بعيدة جايبة ليك ميات قديدة وقديدة بغيتك يا ابَّاساسا تجيب ليا زماني نحقّق معاه احلامي باش تزيان ايّامي نديروا حتى احنا لولاد ونعمروا بيهم هاذ لبلاد نديروا ماداروا الجداد ننصبوا الخيمة وندكُّوا لوتاد بغيناك تعطينا لفلوس بالقناطر حتى توصل للنواظر نمَضّيوا حتى احنا لحناجر ونسلُّوا بلا دم ذوك لخناجر ونركبوا بحال الناس لقزادر لحديد يا ابَّا ساسا لحديد يكون لحديد جديد والطريق طويلة بغينا يا ابَّا ساسا نعوموا فلفلوس ومايبقى كلامنا مسُّوس نعَرّيوا حتَّى احنا على اللاَّس وناخذوا البالَة والفاس ومانبقاوا نحفروا الصّخر بيدينا نديروا لحياتنا ساس ونولّيوا حتَّى احنا لاباس ومانخَلّيوا شي حاجة تدهينا التسليم يا ابَّا ساسا التسليم هاقلبي ,هاتخمامي ,هاباش ياتيني الله