منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

يا حبابي لا تسالو ما بيا
عندي كية ساكنلي في الذات
وسباب علتي زينة السمية
زادت قلبي نواح وآهات
وانا المعروف بالصفا والولفية
انا الخليل لي ما ندير ليعات
نعاشر بالخير والمحبة والحنية
نفاجي الغمة ونزوّل الكيّات
نصون العرض والغدر ما فيا
ما نستاهل منك هاد الفعلات
يا ويح من كان صرفو بالنية
وربح من ورى نيتو العلاّت
نحلف فكتاب النبي بالألفية
ونقسم بالله برب السماوات
ما نزيد نعاشر أي ولية
ونقيل علي سوق البنات
والمقسمّة تجي تال بين ايديا
تبادلني المحبة والخير ف الحياة
تكون راس مالي وكل ما ليا
وتكون رباحي من بعد الممات
تصون عرضي وترحّم علي
معاها القلب يرتاح وينسى ما فات