منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - واش العلام داز من هنا ولى غير تراقصوا عيني ؟؟؟

بصح العلاّم من هنا داز
وهنا فين غا يحط الخيام
واخة دار كيف داك الباز
يطل ويتسل بلا تخمام
ويعلّي وفي مخالبو هاز
طيور من سمريس وحمام
وانتما ماشي ناس التحراز
حيت راكم خير ما في القوام
طيوركم عز من كل العزاز
راوية أجمل ما في الأنغام
حرة غرة ما تقبل عيشة لقفاز
تصول وتجول وتصل الأرحام
غير اعذرني يا خليلي أبو العز
الى قللت المجية وشديت القدام
ماشي لخاطري غير قول بازّ
الزمان غلبني وزادتني لسقام
سلمت أمري وعطيت ظهري لتغراز
بعلت ريقي وقطعت لكلام
جنيت من النخلة حب الغاز
وسمايا صباحها وليلها ظلام
غير دعيو معايا بالشفاء يا العزاز
علّ يجيب الله من دعاكم التمام
ونوقف على رجلي نعطيها للتنقاز
نبقى معاكم وحداكم حاط لخيام