منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

جاي على عودو جاي يشالي بكمامو
هاز لعلام ولعجاج موراه يلالي
يطرطق فالبارود وفيديه لجامو
ويصيح صياح زين وغالي
أنا لعلام جايكم هاز للعز علامو
وطالب الخير بين شعاب ودفالي
نصبوا لخيام وجيبوا الزنان وقوامو
وطيحوا البقرة مولات السوم الغالي
ديروا الدخان وحايدو من السما غمامو
وطرزوا لكلام وغنيوا تحت الدوالي
وطيور العز تغرد وتعيد للعز ايامو
وصحاب الحال تغني لكلام وتلالي
ولعلام فوق لدهم يشالي بكمامو
والدجاجة تقاقي والفروج تابعها يشالي
والعود لدهم يشطح ويدردك بكدامو
والدراري تلعب جنب الواد تحت الدفالي
والنسا تزغرد ولعلام هاز مقامو
ودار العز منورة بعودة الضيف الغالي