طق طق طق اليوم الحق نطق الخير للشر سبق حن من حالنا وشفق جاب الفل والسوسن والحبق كيف السدرة تعطي النبق وكيف الرعدة تعطي البرق الحق اليوم نطق قال بلسان الحق أنا جيت بالنعناع والحبق جيتكم اليوم من الشرق حامل من الخير طبق نفرقو على اهل الحكمة والصدق اللي خيرهم سبق البرق واللي دمهم على هاذ الأرض تهرق ورواوا البلاد بالكد والعرق حتى الباطل عليهم انشق وبقى الخير معانق الحق حايد يا بنادم من وذنيك السمق واسمع مزيان كلام الحق باش تخلي الايام بيك ترفق ومقولة السلام فأرضك تلصق ولذوك المظلومين تحن وترفق ونعيشوا ايامنا وليالينا بين ياسمين وريحان وحبق ونحققوا كل ماتمنينا بالشرع والقانون والحق