التعليم البارح بيض بيضة واليوم البيضة خرجت الفلوس | البارح التعليم بيض بيضة واليوم البيضة خرجت الفلوس شكون يا ناس البارح حضن البيضة؟ وشكون فينا اليوم غاذي يربي هاذ الفلوس؟ راها ياناس نايضة والضحية ديما ديما هاذ المعلم المتعوس اليوم جابوا لينا الادماج بالطبل والغيطة والمصبية الكبيرة قطعوا لينا لفلوس والشتا علينا فايضة وزايدينها بالكلام المسوس لا بنة لا لذة باسل حاسل تقولوا واش لحم العتروس اليوم ياناس خمجات البيضة ومابقات تخرج الفلوس الهضرة كثرات حتى بقات شايطة والهم بقى فينا مغروس لا من يحضن البيضة ولا من يربي الفلوس كبة الخيط تخبلات بين رجلينا وراس الخيط تلف لينا فهاذ الزمان المنحوس ياربي راك تشوف فينا تخلطات العرارم علينا وفتح لينا هاذ الفم المخروس | التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | آخر تعديل ابو العز يوم 2010-12-05 في 20:08. |