2010-11-28, 22:33
|
رقم المشاركة : 1 |
إحصائية
العضو | | | اليوم الجار طغىى و تجبر وضربنا يا ناس بالحجر | الناس عندهم بحر واحنا عندنا جوج بحور عليهم الجيران حسدونا طعنونا فالدهر بالغدر وكتبوا علينا فالجرائد سطور بالكذوب والبهتان ظلمونا رمالنا يا ناس تنادي بالجهر آعباد الله جيبوا لينا البخور ومن هاذ الظلم والجور غيثونا صام الجار وعلى جرادة فطر واصبح بالكلام المرصع مغرور وانتم يا صحافة الكذوب والغدر يلا عندنا حاجتكم اليوم منها جردونا الله يرزقنا يا ناس الصبر من زمان درنا ليهم اللحم فالقدور وعمرنا كروشهم من حوت بوجدور وملي صابتهم التخمة بالحجر ضربونا تحاميتوا علينا بجوج والعالم ينظر الملحة مساست بيننا وخيرنا اصبح شرور ويلا قلتوا العصيدة باردة نديروا فيها يدينا تراميتوا على نجيمات الشمال بالغدر واليوم كتكتبوا علينا الهتور وتقولوا للعالم ماشفنا مارينا التاريخ راه مزمم فالسطر ماتمحيه ايام والا شهور واحنا راه غير على الحق دوينا ارميناك يا الجار بالخير وانت ارميتينا بالحجر اعطيتي عقلك للغير وعوجتي لينا السطر كفينا عليك اليوم القدور بعدما انت اليوم عاديتينا وقت ما شي نهار رجع ليك العقل تلقانا ديما مادين ليك يدينا احنا ناس الخير ماشي الشر باغين من الله غير الستر ومن رحمتو ما يجفينا | التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
| |