نوضوا

الانتخابات وصلات
لكذوب عل الشعب قوات

شلا رْمُـــــــوز
تقلب عل لهموز

هذا حزب فــــلان
بعد الغبرة جاي عجلان

قال نصلح الطرقان
لا حيا لا حشمة ما خاف الرحمان

ها لمعول يمحي البطالة
ها لي جاي يبني جامع وسط الزبالة

لقوال يغرو بيها لعقول
غير يوصلو يتسد بابهم لي راه محلول

هادي حكاية عرفناها من زمان
لبستو لحرير ماشفكم العريان

رد بالك يا خيي ويا ولد حومتي
يكفاك من شر الوقت وما تألمتي

لوجه لمزوق يتمسخ زواقو
بعد الربحة ينسى لعباد لي بيه ثاقو

معروفة عليه ينش غير عل كبالتو
تبقى حالتك .. ماهي كيف حالتو