منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

أسيدي عطيني قلبي
لاش بغيتيه؟
أسيدي عطيني ودي
لاش خذيتيه؟
أسيدي ماانت لي ولا انا ليك
خليني عليك خليني
أسيدي القلب اللي كان ليك
مابقى ليوم ليك
بالوفاء و الحب ملكتيه
وبالغدر والكذوب هجرتيه
لاتقول لي هذي نزوة
ولا تقول لي عين الشيطان
ولاتقول لي هفوة
أو غير زلة لسان
مشات عليك ذيك الأيام
وعمرات سمانا بالغيام
وكثر بينا شلا تخمام
شمرت أنا ليوم على لكمام
وقررت نمشي بعيد لقدام
وننسى كل دقيقة مرات علينا
وننسى كل ماكان بينا
وننسى ذاك الشعر المنظوم علينا
وننسى الهم والغبينة
ونطوي هاذ الصفحة الحزينة

أشكرك طيفنا الوديع على كلماتك الجميلة التي جعلتني أرتجل الكلام مع حريفاتي, التي لاتبخل على طيفنا بما لذ وطاب من تزمام.