 رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية
|  |
السلام عليكم ،
نحكي لكم واحد الموقف حصل لي في المدرسة
كانت عندي بنت اختي كنديها معايا للمدرسة كمستمعة ايوا واحد النهار فيقتها ولبسات حوايجها وفطرات حتا انا وجدت راسي و مشيت للكراج نخرج السيارة ايوا البنت ركبات وحنا غاديين.وصلنا للمدرسة غي نزلنا و بداو التلاميذ كيشوفوا فينا و كيضحكوا.
شفت فيهم واحد الشوفة وتجاهلتهم مشيت نفتح القسم وهما باقيين تيضحكوا مهم قلت ربما فرحانين وصافي.
بديت نقريهم ودرت لهوم لوحة قرائية في السبورة ناضوا واحد واحد حتا بنت اختي نوضتها قرات
ما علينا قريتهم حتال 10 وخرجتهم للاستراحة.
وانا نمشي عند بنت اختي حيت باقي مكتزعم و حشمانة زعما نعطيها فطورها و نقول لها تخرج تلعب حتا هي.
ايوا هضرت معاها و ضحكنا و هي طيح لها المعلقة باش غتاكل الياغورت تحنيت باش نهزها وانا نلقاها لابسة واحد الفردة و الرجل الاخرى حفيانة.قلت ليها فين صباتك قالت لي في الدار وانا فيا الموت د الضحك قلت ليها واغي جبديها كتفلاي عليا قالت لي لا راها في الدار اودي الله يهديك فين حطيتيها و قالت والله الى في الدار واجا ميسكتني بالضحك قالت لي راه قلبت عليها ما لقيتها و خفت تخليني وانا نلبس هاديك اللي لقيت.
عاد تفكرت بلي عليها كانوا التلاميذ تيضحكوا و خالتها يا حسرة ولا هنا . |
| التوقيع | | لا أخجـــــل من طيبـــة قلبـــي فهــي ليســت ضُـــعفاً بل قـــوة .. فالجوهـــرة لا تخجـــل من شدة بريقــــها
| آخر تعديل اسلامي نور حياتي يوم 2010-07-12 في 13:08. |