وترا اللسان احيـان يكـون ثعبـان لـه لدغـةٍ خطـره وفيهـا عفانـه
وترا اللسان حصان يبغالـه إعنـان ويـورط اللـي مايـجـود عنـانـه
ويحتاج له في كل الاوقـات ميـزان ميـزان عـدلٍ ولاتجيـه الخيـانـه
ميزان عدلٍ معتـدل كـل الاحيـان وكـل الجـوارح تعتبـر كالأمانـه
وكـم لسـانٍ زل راعيـه وانهـان وقال المثـل كـلٍ لسانـه حصانـه
ومن يستمع لفـلان ويصـدق فـلان تلقـاه دايـم متعـبٍ فـي زمـانـه
والصدق يطلع لـه حقيقـة وبرهـان وكلٍ يبين وينعـرف ويـش كيانـه
ويعرف مجال الصدق من غير عنوان والكذب يعرف فـي مجالـه جبانـه
دايم طويل لسان ولايقضـي الشـان يـدرج لسانـه كنـه الاسطـوانـه
وتلقاه في كـل المواضيـع خسـران وليـا نصحتـه زاد فـي عنفـوانـه
مافيه طيرٍ طار مـن غيـر جنحـان وليا انكسـر حـدا الجناحيـن خانـه
والرابح اللي منهجه ركن الاحسـان الصادق اللي منهـج الصـدق شانـه