منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

اقتباس:

المشاركة الأصلية كتبت بواسطة ابو العز

الخاين يالعلام

ماخان غير راسو
يلا ضيع لعلام
يطير ليه نعاسو
فين يسمع لكلام
اللي يقوي بيه ساسو
شكون يهز ليه لعلام
وشكون يسخن ليه جلاسو
الخاين يعيش فظلام
وريه ليا نحيد ليه ضراسو
نعفس عليه بلقدام
ونتلف ليه ساسو
بلا كثرة تخمام
يدخل سواق راسو
خاين لعلام عدويا
نشوفوا نقول يخ تفو
والله عليا يعفو
حيث لعلام هذا يا لخوت
واللي خانو معايا
يموت ليه الحوت

أتمنى لك مزيدا من التألق أخي وصديقي لعلام الميسوري.

حيث عارفك غيواني غادي نقول ليك بلي الواد اللي جابك راه بيك بلاني والواد اللي داك انا ما خلاّني والعز فضلي وراس مالي والله يعز معزوزك يا مول المعاني
"سبحان الله شحال من حد ابغى حد ولا راه الحباب وسط الشدة غابو الخوت كلها ودار قفل لبابو فالحزة والضيق ما يتصابو وانا حالي غير زايد ف تعابو الهم والغم والحزان غلة نابتة فترابو بالحق نستاهل نستاهل انا اللي ما درت للزمان بحسابو"
بصح ما نقول سير وخليني نقول مرحبا بيك يا صاح فدار صلاح يا زين الرفاكة يا خليل الروح يا من يسمع مني البوح ويسرد كلام بتزمام السمق ف اللوح ويواسي القلب المجروح بكلام أحلى من بو البلوح يفرّح الخاطر ويرد الروح...
أعجبت بردك قلبا وقالبا والله ثم والله إن قلمك لبصوب القمم بل سيعلوها بأميال وأميال واصل على هذا الطريق يا رفيق فأنت زجال مبدع
أحبك في الله أخي أبو العز والله شاهد على ما أقوله
تحياتي وتقديري