منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - مال الدنيا ما يدوم واخا تجمع منو مليون قنطار

يا الغني رد بالك
لا يطيحوك بنص
وتجي على الضس
بعد ما كنت الكل للكل
تولي غير نص نص

مال الدنيا ما يدوم
وخا تجمع منو قنطار
عين بنادم ما تنوم
وخا تخشي فيها مسمار
جمعتي الفلوس بالكوم
ونسيتي الواحد القهار

قلدتي ناس العجم والروم
وماخفتي من صهد النار
بقيتي من رضا الوالدين محروم
وجمعتي من وسخ الدنيا مليار
بقيتي فمال الدنيا تغطس وتعوم
وتبدد فموالك بين بار و بار
النفس لا بد شي نهار تلوم
وتقول مال هاذ الزمان عليا دار؟

طيور العز تفتح ليك بيبان الدار
وتغني ليك تحت هاذوك الكروم
وأبو العز والعلام صحاب الدار
يطرزوا ليك شلا كلام منغوم

صلي و صوم ولاتكون مشرار
صدق وزكي تذوق حلاوة النوم
شهد و حج تصبح واحد من الأبرار
دير بكلامي تهديك دار العز مشموم
وتجمع من الحسنات مليون قنطار
وتسلق درجات العز و المجد بلا سلوم