منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

حماري داير النضال

حماري اصبح ليوم مغوبش
صابح حزين ومبورش
مال حماري ليوم اكثر تخمامو؟
وجالس يحسب في ايامو؟
حماري احذر وذنيه
شاف فيا ونطق وقال:
الحمل عليا ثقال
كنخدم خدمة زوج بغال
أنا نضرب تمارة
وانتوما تجمعوا المال
أنا ليوم داير النضال
ولهاذ البردعة ما أنا حمال
واه ؟الذيب يضحك عليا
الثور معدي عليا
والبغال يتغامزوا عليا
وبيبي يتناقز عليا
وحتى من الفروج ينقب فيا
هاهو السبع ولى غضبان عليا
ليوم حايد لي الهوية
ما أنا مواطن من الغابة
ما أنا مع اخوتي المغاربة
بقيت معلق
بالحجر مفلق
حتى أنا باغي نعيش شوية
ناكل شوية ,ونخدم شوية
ونرتاح شوية ,ونلعب شوية
حاولوا يا هاذ الناس عليا
ماتبقاوش غير تعصيوا فيا
مانبقاش غير حمار
اللي هاز من الهموم قنطار
فحمل الأثقال
أنا عزيز الدار
وفي الحوار
اسكت انت غير حمار