2010-08-18, 20:48
|
رقم المشاركة : 1 |
 إحصائية
العضو | | | 
|  نكت وجدية على الحماق والمجانين
|  |
1- واحد النهار واحد الطبيب بغا يكشف على المرضى ديالو، مشى دخل عليهم لقاهم ينقزو يطيرو فوق نوامسهم
سول واحد كان جالس فقنت و ساكت ، مالهم هادو ؟
رد عليه، يسحاب لراسهم ذرة فوسط الطنجرة و راهم ينقزو.
و قالو و انت مالك ماراكش تقزقز بحالهم ؟
قالو : انا راني لاصق فقاع الطنجرة.
2- جوج مجانين غادي يركبو فالموطور باقيين يدابزو (يتخاصمو)
علاش؟
كل واحد فيهم باغي يجلس قدام السرجم
3- واحد نهار طبيب دخل على واحد المريض و لقاه يكتب رسالة ، مشى يسولو
لمن راك تكتب هاد الرسالة ؟
قالو : راني نكتبها لراسي
الطبيب: واشتا(أشنو) فيها ؟
قالو: مانعرف مازال ما وصلتنيش
4- جوج مجانين واحد طاح فبرميل ، الاخر مشى يستناه(ايساينو) عند السقاية
5- جوج مجانين جالسين فالشارع، فاتت(دازت) عليهم جنازة.
واحد قال لصاحبو : شكون مات ؟
الاخر : عبد اللطيف.
لغد ليه وقعت نفس اللقطة جالسين فاتت عليهم جنازة،
هداك السيد سول صاحبو عاود ، شكون لي مات
الاخر : عبد اللطيف.
المرة الثالثة نفس اللقطة
شكون مات ؟
الاخر : عبد اللطيف .
و هداك يقولو : مسكين هاد عبد اللطيف منحوس مات 3 مرات.
6- واحد النهار المجانين دارو خطة باش يهربو من لاكاصا (السبيطار.) ، المهم
تافقو باش يهجموا و يكتفوا الحراس ، و يفتحوا الباب و يهربوا.
فنص الليل ناضو ينفذوا الخطة، واحد الشوية و هما يرجعوا كارهين لبيوتهم.
واحد قالهم : كي والو الخطة فشلت بالصح ان شاء الله غدا تنجح.
7- مدينة فيها غي الحماق و المجانين، واحد النهار واحد السيد مشى لتمة بلوطو(طوموبيل ) الجديدة ديالو
لقاها عامرة حفاري و ضوضان
المهم خرجولو على اللوطو ديالو ملي وصل لنهاية الشارع لقا بلاكة فيها
" انتبه، خطر، خلفك حفر و مطبات "
8- جوج مجانين كانو جالسين و بغاو يتكالماو (الهدوء). واحد فيهم
خدم كاسيطة خاوية و بقى يتصنت
الاخر قالو: يرحم الواليدين نقص شوية الصوت.
9- جوج مجانين مشاو عند الجزار، واحد قال للجزار عطيني لتر لحم
و صاحبو يبدي يضحك يضحك
قالو الجزار انت مالك تضحك؟
الاخر: مسكين بغا لتر لحم و ما جايبش القوسيني فاش يهز
10- مجنون شرا صباط كبير عليه و هو يحتارمو
11- فالسبيطار الهوبالا(الحماق) ، كل صباح ملي طبيب يضرب دورة عليهم يلقا كلشي مبليسي(مضروب)
غي لي مجروح من وجهو ، لي تكسرولو عظامو ، غي واحد لي ما فيه حتى حاجة
واحد النهار بغا يعرف السبب دارلهم كاميرا تمة
الغد ليه ملي مشا يتفرج لقا داك لي ما فيه والو يرسم خط فالارض ، و يقول لصحابو لي فات تحتو نعطيه 200 درهم.
|
: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=221965 |
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
