2014-01-20, 08:08
|
رقم المشاركة : 28 |
إحصائية
العضو | | | رد: روائع الأستاذ حيث يتربع البوح الجميل | القصيدة الفائزة في مسابقة
الابداع الأدبي الحر
فدان الحروف زرعت فْدَّاني حروف وفموسم الحصاد حصدوه الزّجّالة خرجوا مْنُّو حَبّْ ونخّالة وتعجبت لشي ناس زرعوا فدادنهم خوف وفموسم الحصاد حصدوها الدّجَّالة خرجوا منها رعب وخسة ونذالة بقات الغلة منشورة على حد الشوف ماتباعت فسواق دلالة ماشبعوا بيها حوالة دارت فالناس حالة خوفي مابحالو خوف والخوف ماكان فينا سلالة تْلاَّتْ بينا الأيام حتى ولينا نْتْضَربُوا بالنّْعالة هزيت للعالي زوج كفوف عسى تزول من عينينا الجّْلالة ونطلعوا الماء من الجُّوف ونتحزموا ونكونوا رُجَّالة نخدموا أرضنا ونْجْزُّوا الصوف رابلادنا علينا عوَّالة ومن الصوف نغزلوا حروف ونْغَنّيوْا قصايد مع الزجالة ونحميوا الطرح ونضربوا على الدفوف ونحاربوا كل الناس الجُهالة واش اللي مْرَبّي الحَلُّوف يمكن شي نهار يبيع الصوف فسواق الدلالة ؟ واش اللي زارع الخوف يمكن شي نهار قليبو يروف ويسجد لله تعالى ؟ عرصتنا يازينة الحروف مايزرعها غير الزجالة اللي كيعرفوا مزيان را الفرق عظيم ما بين الحَبّْ و النّخّالة للمبدع
أبو العز | التوقيع | اللهم بارك لي في أولادي ووفقهم لطاعتك واهديهم وخذ بأيديهم إليك وارزقهم النجاح والفلاح فى الدنيا والآخرة وأولاد المسلمين أجمعين ربي أرزق ذريتي صحبة الأخياروخصال الأطهار وتوكل الأطيار ربي بلغني فيهم غاية أمالي ومناي وارزقني برهم بحولك وقوتك ربي متعني ببرهم في حياتي وأسعدني بدعائهم بعد مماتي | آخر تعديل أم علاء وعمر يوم 2014-01-20 في 08:40. |
| |