2011-12-20, 15:04
|
رقم المشاركة : 11 |
إحصائية
العضو | | | رد: مبارك للشاعرة الزجالة فيروز المنتدى دبوانها الجديد | لازلت أتذكر قصيدتها الرائعة التالية يا حروف الهم يا حروف الهم
مالك غبنتيني
طال صبري
وضاق خاطري
ما ساعفتيني ..
ما حرتي ف نشاد قلم
بمحبتك مولوع
ما هز شواقك بياض ورقة
بغرامك ملسوع ......
يااا حروف الهم
يا حروفي ...
بكات العين من حر هم كَادي
كوى القلب كيات
كَلت نعاتب زماني
ونلوم زهري
على بياض ورقة
ونزوركَ الحرف فأرضها
ونشتت شملو نرجعو فتات...
جيت نفاكَد الخطوة
لكَيت لله الشكوى
و غدرني الحرف بالذات .
يا حروفي
يا حروف الهم يا حروفي
فين غبت
خليتي القلب يتزيكَ شر:ات
ويسيح دمو فالذات
قطرة قطرة
بيها عيون الدمع غرقات .
ما نقات قلب
بالهم اكثر زواقو .
ما فرحات وجه مضيوم
كثرو عشاقو
ما ردات جواب على ابنادم
اكثر نفاقو .
يا حروف الهم
نجيك بالهديات
وندير اللازم
نخدمك طايعة
وندير معايا الخدم ..
غير طاوعيني
عندي ليك فالقلب ركينة
كبيرة مفوجة و زينة
لا تخليهشاي
للشركَي ...... فاطمة بلعروبي 17/11/2010 | التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
| |