وغادي تبقى الرحى دايرة

واخا اليوم الفار هو مول الدار

لازم يوم يودعها، إلا كان غدار

الحال مايدوم على حالو

الوضع المقلوب هادا ازمانو

واللي دازت ايامو

حسن ليه يشد غارو

يتعلم يمضي اظفارو وسنانو

لعل وعسى يرجع ليه شانو



كما عودتنا أبا العز "حريفات "لطيفة وصورة ظريفة لا تخلو من حكمة بليغة.
تقبل مروري التعسفي على "حريفاتك".

تبدلات العقايب يا الخليل
البغل تسرج وتلجم
وارجع يتبورد كيف الخيل
والعود تكمش وتلم
ودارولو وتد ورباط طويل
الباز داروه فقفز وتألم
نتفوه ريشو صار خميل
والفار حنحن وتكلم
قال انا سيدكم القيد الجميل
امشات ايام السبع المدمدم
وليت انا سيدو بالعرف والتاويل
لكن انا نقول ليك ما تدهش ما تخمم
وما تقول دركك الويل
مهما طال السواد المظلم
لابد يطلع الصباح ويزول الليل
ويبقى السبع ديما المعلم
والفار مكمش مقهور وذليل


اشتقنا لحروفك كما اشتقنا لك يا " مشموم لقوال " حمدا لله على سلامتك وآمل أن تفيض علينا بغيث حروفك ولا تحرمنا منها
تحياتي بلا حدود

أخوك علام الصمت وسجين القبيلة ههههه

وبدينا نغنيوا بجوج:
مشات ايامنا وليالينا
شحال شطحنا وشحال غنينا
شو لم المتعوس على خايب الرجى ههههههههههه