هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
الراجل: عرفتي أشنو تدير؟ دير ليا تشويكة
واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟

* هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال اسطاشرمية

*هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

*هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

شكرا جزيلا