2012-05-02, 15:59
|
رقم المشاركة : 47 |
إحصائية
العضو | | | رد: ضيفتنا هذا الأسبوع الأستاذة فطيمة المراكشية | كنت قد وعدتك بالعودة فهاهي عودتي ههه ما عندي شك فـ ( العودة ) .. غير تهلّا فيها بالعلف والسكّر وشري لها سرج يليق بأصالتها راها عربية أصيلة .. 1- فطيمة المراكشية ما نوع الكتب التي تفضلين قرائتها ؟
دينية / أدبية / تاريخية / علمية / ولماذا؟؟؟ من كل طبق لقيمة .. اي شي جا تحت يدي نقرا منو وناخذ شوية حتى الكاغيط للي كنشري فيه الزرّيعة راني كنقراه هه يمكن يكون شي استغاثة أو نصيحة بالهروب قبل انفجار اللّغم .. 2- ماهي هواياتك المفضلة ؟ هاذ الهواية للي ما بغاتش تهواني .. واش بغيتيني نقولك جمع الطوابع البريدية أو جمع العملات ؟ ما خاصنا حنا العرب غير نجمعو الطوابع .. أويلي على أفكار دخلوها لينا فعقولنا وحنا فالمدرسة ..
واش من نهار خرج هاذ القجقال للي قدامي خلّا عندي شي هواية ؟!! أودّي أسّي رشيد .. هواية العرب هي الماكلة والشخير .. وإلا كاينة شي مناتفة فالدرب أو الفراجة فيها . 3- شحال عندك ديال الجلالب وماهي ألوانها ؟؟؟ والله حتى نرد عليه على قد السؤال هاذ المرة والله ما عندي حتى جلابة إوى هاني فقّصتك هه واش فالسعودية كاينين شي جلالب ..؟
4- ما المدن المغربية التي سبق لك وأن زرتها ، وما ارتساماتك حول زيارتك لكل مدينة مدينة ؟؟؟ طنجة - عالية وبسواريها يا ولايلّه .. البيضاء - حيوطها بيضين وباب مراكش هو للي احمر الرباط - جاني مقناط الصويرة والجديدة - كنعرف فيها غير البحر والسوق إفران وإيميلشيل وإيموزار - كأنني في أوروبا بني ملال - حديقة عين أسردون كتفوج الخاطر أكادير - جنة وغزالة باراكا راه كثار
5- عبري بطريقتك عن العبارات التالية : - الجود والكرم : من صفات الشبعان فعقلووخا فقير يديما كريم .. والجيعان من عقلو عمرو ما يكون فيه الكرم وخا يكون عندو مال قارون
- الصدق : قليل فهاذ الزمان وللي بغا يقول الصدق يدير هراوة فحزامو ويركب العاود ( زوج العودة ) .. باش غير يقول الصدق ويهرب أو يحارب .. هاذ الزمن مكاين غير الكذوب والنفاق والتلوين بكل الألوان .. -حسن الخلق وخالد الخلق هاذو زوج خّوت قراو معايا فأواخر الثمانينات .. - الوفاء والإخلاص : عماد الصداقة والعشرة وخصوصا العلاقة الزوجية
- الإيثار : ويؤثرون على أنفسهم ولو كانت بهم خصاصة || صدق الله العظيم 6- شحال كتلبسي في السباط ؟؟؟ قوليا أسي رشيد : واش كتبيع فشي بوتيك تاع الصبابط ؟ راني مكنلبسش أنا بالنمرة أنا كنفصّل صبابطي .. يعني صباطي خاصو غير مجذاف وشراع وحرق بيه لاسبانيا .. 7- باش تغديتي اليوم : هاني عاد تغذيت : كليت يا سيدي .. كبسة روز بالدجاج والله حتى جاتني زوينة اليوم كليت بلا عقل حتى تنفخت .. وصلاطة خضارء منوعة .. والزيتون .. بلا ما تستغرب راه الزيتون فالفطور والعذا والعشا دايرة معاه كونطرادا تاع 10 سنين .. يا الله داز منها 3 سنين .. متكمل 10 حتى متبقى حتى شجرة تاع الزيتون فوق الأرض ..ناكل حتى الوراق ..
8 - شيئ ندمت على فعله ؟ عرفتي والله انا من النوع للي مكيندمش ابدا وخا نديرها كحلة زحلة نبقا مكابرة وواثقة من للي عملتو وخا غلط في رأيي أن الندم لا يفيد ما دام الفعل قد وقع بل نأخذه درسا للأمور الآتية .. وما دمنا نعتبره درسا لماذا نندم عليه ..
9 - رأيك في حزب العدالة والتنمية الذي يشكل الأغلبية في الحكومة المغربية ؟؟؟ سولني على السياسة الخارجية نعطيك منها الخير والخمير أما السياسة الداخلية راني بعيييدة عليها بمسافة قارات وسنين ..
راني عزيز عليا السياسة غير كنتهرب منها حيت لساني ماضي فيها وبيني وبينك خاصني بدا نخاف على راسي مرّة مرة
10 - ماهو آخر سبب دفعك للبكاء ؟؟ بكيت أخويا غير اليوم نسيت الباب محلول وفاش انتبهت لقيت قطتي سوسن مكايناش فالدار خرجت كي شي مجنونة كنقلب فالزناقي عليها .. ما لقيتهاش ورجعت للدار نبكي ونعاود كون توضّر ليا ولدي منبكيش عليه هاكا .. ولكن بعد شوية خرجات ليا من وراء الفران .. البلاصة للي ما ضنيتهاش تنعس فيها إوى باقي غتسول أو ساليتي ؟ هاني غننتظرك حتى تقول كل للي عندك .. ما عندي فاين نمشي .. وما عرفت علاش باقي الإخوة والاخوات مكتفيين بالمرور والخروج في صمت .. أنتظركم بارك الله فيكم ..
| التوقيع | | |
| |