انا وسلفتي بنت القريه
جات من الديرة...
تزوجت اخو زوجي...
صرت انا وياها سلايف...
بنفس العمارة....
هي تحت وانا فوق....
لكن في ( حب الزوج )...هي فوق ..وانا ....تحت!!
مؤهلاتي ...جامعيه...ومؤهلاتها...متوسط!!
انا بنت مدينة...وهي بنت قرية!!
كلنا بنات قبيلة ...لكن...انا متحضرة...وكل حياتي مودرن...وهي ( بدوية )...اشوف بلبسها ولهجتها صحراء الديرة..وغبارها....!!
ماستهزيء ...لكن اشرح لكم منظرها..ومنظري...!!
زوجها...انسان متعلم ...مثقف..متحضر..صاحب وظيفة محترمة فيها اختلاط !!
اللي اعجب منه...ليش اتزوجها!!
مافي تكافؤ ...لا باسلوب الحياة ..ولا بالمستوى التعليمي..ويشوف حريم بوظيفته بشكل يومي متعلمات ومتحضرات!!
و يحبها
الا ....يمووووت فيها!!
ماقولكم زوجي مايحبني ...بالعكس يحبني ومبسوطة معه...لكن مش زي حب اخوه لزوجته!!
اذا جاتني...زوجته...تجي ساكته...وتروح ساكته...!!
يعني ماراح اقدر اعرف منها ليش يحبها كل هالحب!
لكن ماتركت خيط ..يوصلني لها...ماجبـته...نبشت وراها..نبش!!...عشان اعرف سر هالبنت !!
انا احب الفضول ..!!...
اي شي ....ممكن يفيدني بالحياة...اقتحمه لو بالقوة..عشان اعرف اسراره واعتنقه لو فيه خير لي...او ابتعد عنه لو فيه شر لي او لغيري!!
و لاني حريصة على حياتي الزوجية...فانا دائما في سباق مع الزمن..عشان اكمل كل مقومات الحياة الزوجية السعيده!!
لهالسبب حبيت اعرف ليه يحب هالبنت..!!...وانا ماشوف فيها اي شي يجذب اي رجل!!
لا شكل ...لامنطق...لا مؤهلات!
لو انها من حريم اول...كان ممكن...لكن هي بنت هالجيل...!!...يعني ماتنفع ابدا...اتكون كذا …
...
ليش يحبني زوجي ...وليش هي زوجها يموووووووووت فيها!!
يحبني زوجي...لاني ..ولاني ...ولاني...الخ
مالها داعي نخوض في تفاصيل حياتي...لاني همشتها قدام حياة سلفتي...لكن اقولكم باختصار ..انا زوجة صالحه..متفاهمه..محبة..مثقفة..وجميلة!!
هل يكفي هذا الوصف لتعرفوا كم يحبني زوجي!!
اعتقد نعم
قال لي زوجي ):
اخوي يقول ان زوجته ماتطلب اتروح لاهلها كثير !!...مو مثلك كل شوي ناقزة لاهلك. )
قلت : لان اهلها بعيد!!
قال : يعني اولى تشتاقلهم..لكن انتي عند خشمك ولاتشبعين منهم!!
قلت : عمرك كنت تعبان او مشغول ..او اهلك او ضيوفك بيجون..وحطيت اهلي بالاولوية!
قال : لا
قلت : عمرك قلت لي لاتروحين لو بدون سبب وعاندتك ورحت!!
قال : لا!
سكت...وخزنت كلمته براسي ((( اخوي يقول ان زوجته ماتطلب اتروح لاهلها كثير !!...مو مثلك كل شوي ناقزة لاهلك..صرت مسميك بالجوال ( وديني لاهلي))
رحت في زيارة ودية...لسلفتي ...وحطت قهوتها وشاهيها...واخذتني فرجة!!
يعني جلست تتظر في...ولا تكلم..كعادتها!!
مااهتميت..وحولت الجلسة لضحك وسوالف..من طرفي فقط...حيث الطرف الاخر منهمك في التحديق..وبقوة!!
ماتتعب من الصمت..وماتستحي من التحديق بالطرف الاخر!!
رجعت لبيتي ...
رجع زوجي من برا...وقال : اخبارك!!
قلت : رحت اتقهوى عند جارتي!!
قال : تمام
قلت : ياحبها للصمت مرة اخوك..وياحبها للفرجة..تمترني من فوق لتحت...وتعطي كل عضو في حقه فالنظر !!
ضحك زوجي وقال الله يعينك عليها
قلت : ويعين زوجها!
قال : ماظنيت انه يعاني...الرجال مبسوط ...من يوم اخذها وهو يضحك من جنوبه!!>>>ياشين الاسلوب
>>>وجهي
وفي يوم عزم اخوه اصحابه لبيته...وطلب منها اتسوي لهم كبسة لحم..طبعا تتقن طبخ هالنوع ..والباقي بيجيبه من برى ..قلت لزوجي تبغاني اساعد!!
قال : عرضت على اخوي ..قلت له اخلي المدام تطبخ الصواني او الحلى...قال لا يمكن هالشي يجرحها لانها ماتعرف تطبخ غير الكبسة والايدام..ويمكن
لو سويتوا تاخذ بخاطرها..وقال انها جالسه تعلم الطبخ..وبيصبر عليها لين تتقنه!
قلت في نفسي : عشتوا...خايف على مشاعرها...ومو خايف على وجهه قدام اصحابه..!!
وطلعت لها اساعدها بمطبخها..لا شي يشد ...ولا يجذب النظر..لا بدبرتها ..ولا بمواعينها..كل شي عادي..عادي جدا..ويمكن مطبخي وسنعي افضل منها!!
>>>حيرتي هالحرمة!!
وجا زوجها ...وتنحنح عند باب المطبخ>>>طبعا مايقدر يدخل لاني موجوده..
زوجته بس سمعت صوته ...ركضت له ركض..وقالت: هلا بك..وهي مبتسمة ..الابتسامة بتشق فمها !!..>>عطينا شوي منها وانا مسنترة عندك من صباح الله
هالمرة ..انا اخذتها فرجه ..جلست عالطاولة وهي تشتغل..
بصراحه ابتسامتها اعجبتني...يعني حوسة وضيوف..وكرف...حتى شغالة ماعندها غير نزلت لها شغالتي ...لان زوجها وعدها بعد اول مولود يجيب لها...ورغم هذا
تبتسم له في وسط هالحوسة كلها...وانا انفعل لو جوني ضيوف كثير ويبان على وجهي التوتر واعصب على زوجي لو اعجلني!
قالت وهي نادرا ماتقوله!!
بعد اهلك كلهم!!
اهلها عايشين كلهم!!
ابوها وامها..واخوانها...واتقول له هالكلمة وهو بعد ماصار حتى ابو عيالها ولا بينهم كل هالعشرة!!
رجعت هي للمطبخ تكمل شغلها
..و
نويت اجيب خبرها..واعرف ويش هالحرمة الي قدامي..>>>عصبت
قلت لها : تشتاقين لاهلك!!
قالت : كتير
قلت : مااشوفك تروحين لهم كثير وكلها ساعه ونص بس عنهم
قالت : زوجي مايفضى!
قلت لها : كيف الديرة...وكيف حياتك هناك تشتاقين للعزوبية!!
قالت : اي والله اشتاق لديرتي وابوي وامي .كل شي حلو هناك.
قلت : متعلقة فاهلك مرة
قالت : ابكي على فراقهم يوميا!
قلت : وزوجك يشوفك تبكين عليهم!
قالت : لا ..مابين له...اخاف يزعل!!...
استغربت من فضفضتها لي..رغم انها ماقالت شي يذكر لكن هي هرجها قليل...يمكن من شوقها لاهلها غصب عنها اتكلمت!
رجعت سالت نفسي : ليه اتقول له يابعد اهلي كلهم وهي تحب اهلها كل هالحب..وبعيده عنهم..ومايوديها بعد !!
انا عمري ماقلت لزوجي هالكلمة..كنت اقوله .. ..لكل واحد فيكم مكانته بقلبي لايمكن الثاني يتعدى عليها!!
رجعت لبيتي ...وراجعت كلمتين...واحده قالها زوجي..والثانية سلفتي!!
زوجي قال : اخوي يقول ان زوجته ماتطلب اتروح لاهلها كثير !!...مو مثلك كل شوي ناقزة ..لاهلك..صرت مسميك بالجوال ( وديني لاهلي )
وسلفتي قالت : مابين له...اخاف يزعل!!...
فيه رابط بينهم؟
كلها اتدور حول الاهل!!
زوجي واضح انه يغار من روحتي لاهلي ..غيرة خفية عمره مابينها وعمره ماكشر بوجه اهلي او وجهي..خاصة ان كل واحد قايم بواجبه اتجاه الثاني سواء انا او اهلي او هو!
ليه يغار!!
لانه يحبني ...ويبغاني احسسه انه اغلى من اهلي!!
ماعمري حسسته بهالشي ...كنت احط كل واحد بمحله..!!...طيب سلفتي برضه..تحب اهلها..لكن تجامل زوجها...وماتبين له!!
ياليتني جاملت زوجي...ولا بينت له ..حتى لو كان كلامي هو الصح..بس عشان يحبني اكثر!!
انتعشت شوي...خاصة اني عرفت اول سر عنها...واتعلمت شي جديد يفيدني بحياتي الزوجيه!
لكن برضه فيه اسرار ثانيه...مو معقول سبب واحد يخليه يحبها كل هالحب!!
طيب من ناحية اللبس...الطبخ...الكلام...الفراش!!
كلها اسباب ...تنفر او ترغب الزوج..بزوجته...ماشوفها مكتملة فيها ابدا!!
زارتني ...يوم...ونويتها هالمرة اكثر من غيرها...باخليها تهرج غصب..>>>كيد النسا
سالتها بعد مقدمات طويلة : كيف تقضين وقت فراغك!
قالت : اقرى...وادخل انترنت!
قلت : ماشاء الله..تعلمتي الكمبيوتر بسرعه!
قالت : ايه زوجي علمني وحفظ لي بالمفضلة كل المواقع التي تفيدني..والكتب عندي من قبل زواجي وجبتها معي!..وجاب لي بعد من المكتبة كتب كثيرة!
قلت : تمام عليك ..عجبتيني والله ..احب البنت اتكون مثقفة ومطلعه!
قلت في نفسي : زين عرفت ثاني سر!..البنت متحمسة لحياتها..وتقرى ووتثقف وتدخل انترنت تجاري التطور!
نزلت راسها واخذت فنجانها ..وناوية عالصمت مرة ثانية
قلت لها: تبين انروح السوق .. تخفيضات قمصان نوم رهيبة!!>>> ابي ادخل غرفة نومها..سامحني يارب..لكن قصدي شريف ..!!..>>>احلفي
حمر وجهها وصار الوان وقالت : زوجي اشترى لي كثير ويقول بالذات القمصان خليها اجيبها لك على ذوقي !
قلت لها : طيب لو طلعت ماتناسبك يرجعها!!..
قالت انا البسها له..بكيفه لو ماعجبته هو يرجعها..!!انا ماافهم بهالامور
اها...عرفت سر بعد..امراة مطاطية.....وين مايوديها تلقي
دام حتى القميص هو يشتريه وتلبسه ايش ماكان ...اجل حتى الفراش..تتحول لعجينة رخوة...مرنة...يشكلها زي مايبغى!!
هالشي يحبه الرجل يعني!!...حلو الفراش اذا كان غير مشروط...يعني افهموها مابي ادخل بتفاصيل ...روحوا للكتب اتعلمكم او للانترنت مثل سلفتي!!
وسر اضافي بعد...الرغبة في تطوير الذات ...رغم انها قروية وغير متعلمة
..قرت كتب .. ودخلت الانترنت..واستفادت منه ....
.يااااااااااه يالثقافة....وجه العلم الاخر...يعني الي فاته قطار العلم..لايفوته قطار الثقافة
بصراحه ..حليت عنها...يعني اكتفيت بهالقدر ..وانهيت الحصة ...اخاف تمل مني...وماعاد تعطيني دروس..>>>ياترى هي تدري اني جالسه اتعلم منها!!..او تحسبني
ومرت شهور..وبدات البنت ..تفك شوي...يعني تهرج وتسولف...لكن فيه حاجة لسه مضايقتني فيها!!
النظر..زي ماقلت لكم من البداية...
قلت لها : بصراحه يافلانه انا حبيتك وانتي اخت..لكن فيه حركة ماحبها فيك!!
قالت : ايش
قلت : تحبين تبحلقين
قالت : انا اسفه...بس والله مانتبهت لنفسي!: والله معجبة فيك وباسلوب حياتك واحاول اتعلم منك كل شي حتى حركاتك!...يمكن لهالسبب اتضايقتي!
قلت : لا هذا سبب مايضايق..حلو ان الانسان يكون معجب فيك ويحاول يقلدك..لكن مو بهالطريقة!!
رجعت تاسفت...وفعلا ...قصرت نظرها وراعتني
سامحوني على كلمة بسيطة بقولها
..يعني كلنا نطالع..ونحب نتفرج لكن بطريقة خفية..بدون مايلاحظ الطرف الثاني..لكن الي مايفهمون بالاتيكيت واللطافة...ينسى نفسه ...ويبحلق!!
نرجع لسلفتي
ومرت سنوات....وسلفتي ...وانا...سمن على عسل...
وهي وزوجها...مازالوا...حلوين....ويحبون بعض
لكن القطة الاليفة...اتحولت لقطة تخربش!!
يعني سلفتي اصبحت اكثر قوة من قبل...ورغم هذا مازال يحبها
واهلها ...يوديها لهم...كل شهر..واحيان كل اسبوعين
لاتقولون ارجعي اعرفي السبب ...لا لا
صدقوني الاسرار الي قبل.... ماعرفتها بسهوله...تعبت...سهرت الليالي...واجهت الصعاب...حتى عرفت!!
,
غيرت رايها بسرعه
لو كنتوا مصرين بارجع ابحث خاصة انه صار عندي خبرة!!
بس هالمرة الطريق اسهل...(فقد عبدته من قبل!!.)..يعني سلكت مع سلفتي وصرنا حبايب!!
في يو م ما...جلست معها جلسة ودية وعلى طول وبدون مقدمات قلت لها : الله يسعدك ويهنيك بصراحه انا الي ودي اتعلم منك ...اشوف حياتك حلوة مع زوجك
وكلمتك مسموعه...رغم انك اول ماتزوجتي ماكان لك راي ...وزوجك هو الي يشرق ويغرب فيك يعني خلص الاسلوب
ضحكت وقالت بعفوية : هههههههه طبخته على نار هادية!!..هذي نصيحة نصحتني اياها جدتي وانا اجهز لعرسي!
قلت لها : الله يحفظ لك جدتك ويثبت لك زوجك ويسخره لك!
وماعدت الكلام عليها..ولا حاولت ابحث اكثر..تكفيني هالكلمة ( طبخته على نار هادية )
باخذ هالكلمة معي وانا رايحه لبيتي وكعادتي ارجع افصفصها ...واجيب اخرها!!>>قلنا ياشين الاسلوب
ورحت لبيتي ...وجلست قدام نفسي!!
اراجع ...حياتي ...وحياتها!!
ياااااااااااااااااااااااااااااااه .............اكتشفت اشياء ...خطييييرة
واكبر سر عرفته عنها عبرته عن بكلمتين : اطبخيه على نار هادية
سلفتي طويلة بال.....ماشاء الله عليها .
..
...اذا احببتي زوجك اطبخيه على نار هاديه بدال ماترفعي النار وتحرقيه...وتخسرينه..وتخسرين انتي معه!!
نصيحه من ذهب ....
نرجع نتكلم عن الرجل عموما ....
الرجل...يصبر عالحرمة لو فيها....ايش مافيها...طالما تحبه ...تحتويه...تحسسه ان كل دنياها...وطالما انها تطور نفسها للافضل...ومرنة في التعامل معه
ايش يعني ماتطبخ...تتعلم !
ايش يعني ماتلبس...برضه تتعلم!
لكن انها تحب اهله اكثر منه...او ماتحسسه بانه اغلى منهم...هذا شي يشعر الزوج..بان زوجته ممكن تفرط فيه ...او تقدم اهله عليه...مستقبلا
الرجل يبذل لحياته الزوجية ويكره انه يكون مستغل ...لو احساس...وكون المراة لاتظهر له انها بحاجته وانها مقدرة معروفه ....فهالشي يحسسه ان زوجته تستغله
وزي ماحفظت معروف اهلها...فلازم تحفظ معروفه ...
الرجل يغار مثل المرأة تمام!!
ليه .. مو بشر مثلها!؟
هالموضوع المهم سلفتي تداركته من البداية!!
وغير كذا ...طبخته على نار هادية..؟؟!!...من وين جابت هالحكمة..من جدتها!!.
من وين تعلمت هذا كله ..وهي جايه من
يعني لاعلم ولا خبرة!!
صحيح ....مو كل من اخذ شهادة صار مثقف ...!
ومو كل من قلد سلفتي صار مثلها
سوري بس يمكن ماتضبط مع بعض الازواج..لان اخو زوجي كان حاب ياخذ واحده (خام )
على قولته هو يشكلها زي مايبغى ( طويل بال مثل حرمته )..بعض الرجال يبغى زوجة جاهزة..وماعنده صبر عليها لين تتعلم ....يعني كلامي هذا غير معمم .....
معذرة ان كان لدي اسلوب مستهجن وبعض المصطلحات الحوارية الغير جيدة......حبيت تعاصروا الحدث معي..وتسمعوا من فمي ...وليس من قلمي المؤدب!!
منقول
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
2011-12-11, 13:09
انا وسلفتي بنت القريه (قصّة رائعة) دعوة للقراءة 
