منتديات الأستاذ التعليمية التربوية المغربية : فريق واحد لتعليم رائد

بسم الله الرحمان الرحيم
وصل اللهم وسلم على نبيك الكريم
هذه محاولة مني كانت على شكل مساجلة مع الأخ الشميطي حول قصيدته الزجلية "دروب النسا"
أرجو أن تلقى استحسان القراء

حوا فعين بنادم

يا الشايف فالنسا بعينك قفاها
حيد نضاضرك ويبان لك نور بهاها
إلى غابت عليك تنسيك جفاها
ويلا حضرت تعمر دارك بشقاها
أح من ضهري وأح من كرشي منها
تثرثر بالمعنى والكلام ما ينفع معاها
هدي لمرا يا عشيري وهادا حالها
خدها بالنية تغلب وتنسيك شكواها
ويلا دارتك فالبال بالكول تغطيك قباحا
ويلا بغاتك تنسيك حالك وتبغيك حداها
.........................................
لمرا نوارة من الزهر فياحة
ريحها يعبق وينسم الرايحين
فصحبتها مع الراجل دواحة
منها مايسخى ولو بعد حين
...................................
يا خليلي هذي فكية منورا لمقام
لمقال عليها والكول يفرح لقوام
لساني ما ينطق غير بزين لكلام
ونجيب لمرا فوق الراس بالتمام
أحسن للريم يا حبيبي هشام
تعيش مهني وما تعرف لسقام
هدي بسمة نوارة سرها فيه كلام
يعبر بصدق وموزون فبهاه تمام
مرحبا باللي جا مقصد ينورلمقام
الدار دارالكلام والكول الزين يا سلام
.......................................
سوق النسا مطيار كالها المجدوب
وانا نكول هم الريم ونيسة ومكتوب
اللي شاف ماسمع وزاد فهواه كروب
واللي اسمع ما هناه البال المسلوب
..................................
النسا منهم ما تشبع وجوعك يدوب
بجوارها تريح البال وتهني لقلوب
ويلا زالت النعمة يا ويل المحبوب
احفظ ما بيديك لا تولي مغلوب
......................................
وانا نزيد نحكي لخليلي على هيامي
وهيامي ماعرفوه شيوخ ما قراوه فلواح
شفت الريم على جمالو عطر ايامي
بكلامو لحلو ماقدرت نسيبوفهواه
كالو زين لفعل نهزو بكتفي وقوامي
ويلا عييت نفرشلو درعاني وننساه
.......................................
هي عنايتي يا عشران وتاج راسي
نكولها بفمي ما نحشم من ناسي
وخا نكول من كلام العيب قياسي
تبقى المرا هي فعقلي وهواسي
حوا من ضلعتي خرجت وتقاسي
كيف تكون عدوة وهي فحساسي
هذا كلام إزين الخواطر ويواسي
من الخير نكولو مايتهرس راسي
دبا دور الدورا وراك الكلام القاسي