خرجت نتقضى من المارشي
وكل من فيه منو ما خذا شي
ما شي حيت لغلا فيه متفشي
حيت خالي من لي بغاتو كرشي
ْْْْْْْْْْْْْْْ
لبطاطا ولبصلة ولخيزو مشي
ولقوق ولخيار ما يسواشي
والنعجة ولمعزة للي ما طيبشي
لولا الدجاج صمت وما ناكلشي
رجعت نسول فين مشات قروشي؟
قفتي فارغة والشهوة ما عنديشي
ّّّّّّّّّّّّّّّ
خذيت الطويجين فيه نطبخ غذاتي
وضعت الدجيج ولبطاطا قلت بلاتي
التومة الحمرا وكنور ليه يواتي
ْْْْْْْْْْْْْْْْْ
الله على رويحة طلعت من مريقتي
إيه ، فين يبان طيابكم يا ساداتي
وانت يا شميشة تعلمي من أكلاتي
أصبحت طباخ أحسن من امراتي
ْْْْْْْْْْْْْْْْْ
ذقت طياب الدجاج ولقيتو يواتي
وقلت نعمل بطاطا فوقو طريفاتي
خليت الكل يغني فوق البوطاتي
اليوم الجمعة نتغذى بعد صلاتي
ْْْْْْْْْْْْْْْْ
مشيت نطوي ونجمع كسيواتي
كنست غرفاتي وطرفت حاجاتي
آش هاذ الريحة نشم بمنيخراتي
مشيت نجري ، تحرقات غذاتي
ّّّّّّّّّّّّّّّّ
الحمد لله على وجود الزيت البلدي
والشاي والخبز والنعناع العبدي
عمرت بطني والشهوة ما عندي
هاذا حالي غريب وعايش وحدي
ْْْْْْْْْْْْْْْْْ
غسلت فمي وقلت هاذا سعدي
واش يمكن للثور يصبح جدي؟؟
المطبوخ نشريه هو اللي بيدي
آش أداني نطبخ الأكل البلدي؟؟؟
ْْْْْْْْْْْْْْْْ
أنا طباخ ماهر ، لا طباخ بعدي
لكن البيض والماطيشة اللي عندي
والماطيشة والبيض كول من يدي

أعجبني كثيرا تعليقك أختي ولم أجد ما أرد به غير أنني ضحكت كثيرا لتعليقك هههههههههههههههههههه