|
كوكتيل نكت بالدارجة من mustapham هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي. قل ليه باه: هاك ها درهم و سير نيشان . ================= هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟ جا البقال رد عليه :ولا شنو ؟؟؟؟ رد عليه الراجل و قال له: ولا فانتا . ================= واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا. ================= هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش ================= دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع ================= سقرام (بخيل) شرا خبزة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين ================= هدا واحد الدري مشى عند درية أ سولها أشنو سميتك قالت ليه fati fleur (فاطمة الزهراء) قالت ليه أ انت قال ليها le pere de vendredi (بوجمعة ) ================= واحد الاستاد قال لتلاميذ دياولو. غادي نوريكم 3 انواع ديال الكعيات اتصل بواحد النمرة او جاوباتو بنت قال ليها كاين حميد، قالت ليه لا ماكاينش (كاعية) قال ليهم هدي 1 اتصل بنفس النمرة او جاوباتو نفس البنت قال ليها كاين حميد، قالت ليه لا ماكاينش مالك صدعتينا (كاعية اكثر) قال ليهم هدي 2 اتصل بنفس النمرة او جاوباتو نفس البنت قال ليها كاين حميد، قالت ليه لا ماكاينش الحماااااااار(كاعية بزاف) قال ليهم هدي 3 واحد التلميذ قال للاستاذ انا غادي نوريك الكعية الرابعة اتصل التلميذ بنفس النمرة او جاوباتو نفس البنت قال ليها انا حميد، واش اتصل بيا شي واحد، او هي............ ================= واحد طلاب طلع لطوبيس كايطلب مابغا حد يعطيه.. واحد الراجل عيط عليه عطاه شي بركة...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا ================= لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش ================= حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو ================= جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس. ================= واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني. ================= هدا واحد شفار دخل باش ايسرق واحد الدار ملي دخل لقا مرا او راجلها كال للمرا شنو سميتك كالت ليه حليمة كال ليها حليمة سميت مي ماغانقيصكش او سول الراجل كاليه سميتي بوعزة او كيعيطو عليا حليمة ================= هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة ================= واحد لمكلخ مشى للبحرين و دَى معاه 2 شورطات. ================= واحد قال لصاحبه :واش نركبو فالطوبيس؟؟ قال ليه : لا أصاحبي، حنايا غير نجريو موراه باش نشيطو 3 دراهم..وهو يرد عليه: كايبان ليا حسن نجرّيو مورا الطاكسى ونشيّطو 7 دراهم. ================= واحد دخل لحديقة الحيوانات وهو يدخّل راسو فلقفص ديال السبع، الحارس جا كايجري وقاليه: وا تا أشنو كاتدير ألمسطي ؟؟؟؟ قاله : وا غير بشوية أصحبي تا مالنا غادي ناكلوه.. ================= واحد المرة شي وحدين كانو تابعين واحد هارب ليهم..وهما يشدوه مع الدورة وقالو ليه: نتا معانا ولا مع لخرين؟ قاليهم أنا معاكم..وهوما يقولوليه : راه حنايا هوما لخرين ..طااااخ.. ================= واحد غبي طاح فالدروج وهو يمشي عند الطبيب..الطبيب عطاه بومادا وقاليه : إدهن مكان الإصابة..وهو يمشي يدهن الدروج. ================= أستاذ الرياضيات: إيلا كان عند باك سلف ب 5000 درهم وخاصو يرجعو على 5 أشهر شحال غادي يخلص في الشهر.. التلميذ: ما غادي يخلص تا ريال. أستاذ الرياضيات: اجلس أولدي راك مافاهمش الدرس مزيان. التلميذ: ولاّ أأستاذ.. راك نتا اللي مافاهمش لواليد مزيان. ================= دبّانة تساط عليها بفليطوكس وهي تطيح وقبل ما تسخف سمعات صوت لامبيلانص و لغوات.. ملي فاقت لقات حداها سراق الزيت ناعس و داير لكبص وهي تسولو ؟ فليطوكس..قاليها : لاّ صندالة. ================= واحد سقرااام بزاف تحرقات ليه دارو وهو يبيبي على البومبية.. ================= قالك أ سيدي هادا واحد الكسول كسووول بزااف دوز ليه الاستاذ امتحان بوحدو فالقسم جا هو الثالت ================= هادا واحد الاستاذ بغا يدير لتلاميذ ديالو فرض على غفلة جا و هو يقول ليهو نهار الاربعاء عندكم فرض على غفلة ================= قالك أ سيدي هادا ولد هيفاء وهبي أول يوم عندو فالمدرسة و تايبكي ليهوم واك واك أ عيباد الله بغيت ماما بغيت ماما هو ينقز الاستاذ ديالو قاليه غير سكت راه كاملين بغينا ماماك ================= |
رد: كوكتيل نكت بالدارجة من mustapham هههههههههههه شكرا على ظرف النكت... |
رد: كوكتيل نكت بالدارجة من mustapham ههههههههههههه مشكوووووور، فوجتي علينا شوي الله إفوج عليك أخويا |
رد: كوكتيل نكت بالدارجة من mustapham هادا واحد الاستاذ بغا يدير لتلاميذ ديالو فرض على غفلة جا و هو يقول ليهو نهار الاربعاء عندكم فرض على غفلة هذا متكون غير أنت هههههههههههه شكرا جزيلا على النكت الجميلة ..أضحك الله سنك |
رد: كوكتيل نكت بالدارجة من mustapham زيد ليك هادوووووووووووووووووووو قاليك هادا واحد الراجل مفافي(كيتسرع) شيفور د طاكسي ديما كاتجي توقع ليه شي حاجة كايبدا يدهش و متيعرف ميدير واحد النهار قال ليه واحد صاحبو هاد المرة إلى كانت غتوقع ليك شي حاجة صوني علياوغانقوليك شنو غادير واحد النهار كان تيسوق الطاكسي ديالو وهو يتقطع ليه الفران أمصاب مايدير شوية وهو يعيط لصاحبو قاليه عتقني الفران تقطع ليا وهو يقوليه داك صاحبو شنو قدامك قاليه 2 دناس قاطعين الشانطي قاليه وعلى ليمن ديالك قاليه الحيط وقاليه وعلى الشمال ديالك قاليه السوق قاليه داك صاحبو إوا معندك مادير غير ضرب داك 2 دناس لي قاطعين الشانطي وقاليه صافي وقطع التيليفون شوية وهو يعيط نصاحبو عاود قاليه صاحبو أمدرا شنو درتي قاليه الراجل 1 ضربتو و 2 أنا مازال جاري وراه فالسوق باش نضربو حتى هو هادي وحدا كاتشكي على صاحبتها كاتقولها : أنا راجلي كينسا بزاف نهار كينسا السوارت ديال الطوموبيل و نهار كينسى السوارت ديال الدار , اواه بزاف هادشي . ردات صاحبتها قالتلها : ماشتيش راجلى أنا شي مرات تيقولى : نسيت فين شفتك واقيلا تلاقينا ف شي بلاصا؟ في وحدة اتزوجت .. بعد أربع شهور و نصف خلفت ولد .. قالها زوجها كيف احنا متجوزين قبل أربع شهور ونصف ... قالت أنا متجوزتنك قبل أربع شهور ونص وانتة تجوزتني قبل أربع شهور ونص وكدة صاروا تسعة .. قال : كدة كنتي هتخليني أشك فيكي هذا واحد المسكين فواحد الكار كيطلب حتى واحد ماعطاه ونزل زعفان سول واحد فين غادي هذا الكار قال ليه جهنم الله ينجيك |
| الساعة الآن 19:02 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd