منتديات الأستاذ التعليمية التربوية المغربية : فريق واحد لتعليم رائد

زوج بيسأل زوجته انتى عملـالى عمل علشان احبك الحب ده كله:
فردت بتقوله اه عاملة لك عمل ؟؟!!

.

.

.

.

.

.

.

أيوة طبعاً أومال يعني انت هتحبني الحب دا كله بالساهل !!

انا كل اول شهر باخد مبلغ معين كده واديه للشيخ بتاع الجامع اللي ورانا ...

علشان يطلعه صدقة بنيّة دوام سعادتنا

وباخد أي حاجة فيها عرقك
(( قَطَرك يعني )) ..

واغسلها واكويها وارجعهالك معطرة

و وانا بعمل لك الأكل بقعد اقرا عليه شوية كلام ..

أيووووووة .. بقعد اقول يااااااااارب يطلع حلو علشان هو تعبان طول النهار في شغله و جيعان

ونفسي أوي ابسطه

وبحط لك في هدومك حجاب ..
مش حجاب واحد لأ كتييييييير

علشان كل ما تيجي تطلع حاجة من جيبك تلاقي ورقة بقولك فيها

" بحبك " أو " وحشتني " أو " خلي بالك منك .. انا ماليش غيرك "

وكل يوم قبل ما تخرج بقعد اقرا أدعية في سري

واستودعك وادعي ربنا يحرسك ويحميك

بذمتك مش عَمل جامد وما يخرش الماية

واحسن من بتاع ام حزمبل واشتاتا أشتوت ؟؟

لأ وايه .. احلى حاجة في العمل دا

انك كل ما تصلي وتتوضا و نقرا قرآن سوا العمل مفعوله يزيد

مش يبطـــــــــــل ..
منقول