بغيت نفيدكوم أخواتي إخواني بلي كنعطي لبناتي إلا جاتهوم السخانة، والله إلا النتيجة روعة.

-1-إما كناخد مخينزة طرية أكنغسلها مزيان، من بعد كنطحنها في مولنيكس مع عصير البرتقال الطبيعي ثم نكصبها في مربعات الثلج انديرها في المجمد باش تجمد من بعد نجمعها فب بلاستيكة انخبيها في المجمد، ملي تجي السخافة لوحدة من بنتاي كناخد مربع من المجمد أنديرو مع حليب سخون + معلقة صغيرة عسل طبيعي أنعطيها، والله إلا رحمة الله. ولا كانت سخونة بزاف كناخد مخينزة يابسة نرطبها مع بصلة حمرا محكوكة أنديرها لها بحال الحناء لراسها. أهادي عن تجربة مع بنتي الصغيرة مبغاتش تهبط لها السخانة أدوا دالصيدلية مدارلها والو أملي درت هاد الوصفة نزلات السخانة.
+كناخد الجوارب ديالها انفزgهم بالخل انلبسهم لها أجبهتها أيديها كذلك.

-2-أو لا كناخد القرع السلاوي ملي كيكون موجود(دابا راه موجود فالسوق) حتى هو نطحنو مع عصير البرتقال، انديرو في المجمد بحال الطريقة ديال لمخينزة.
والله إلا كينقيو حتى لمصران من السموم والبكتيريا.

الله احفظ ألداتكم أولداتنا أولدات المسلمين أجمعين.

بارك الله فيك اخي

شكرا جزيلا على الافادة

Bonsoir madame ,merci infiniment pour vos recettes.QueLE BON DIEU vous aide et prèserve vos filles.Merci encore une fois.