منتديات الأستاذ التعليمية التربوية المغربية : فريق واحد لتعليم رائد

زيدوا ساعة .. نقصوا ساعة ..

http://images.aarabladies.com/media/images/Pyk29567.gif

زيدوا ساعة .. نقصوا ساعة
هكذا ديما كيبرح البراح
في كل قناة وإذاعة
زيدوا ساعة .. نقصوا ساعة
راه فيها همة ونشاط ورياضة ليكم
ولينا فيها كل الربح والمنفعة
زيدوا ساعة .. نقصوا ساعة
ياك على الطاقة نحافظوا
و نقتصدوا عليها بلا تبذير ومضيعة
زيدوا ساعة .. نقصوا ساعة
راه نتقادو مع أوربا ونتنافسوا معاهم
و نتقدموا بحالهم .. أفهموا يا جماعة
أو ما بين زيدوا ساعة .. نقصوا ساعة
الشعب داخ واتلف واحتار ..
وما بقى عارف ياخذ آش من قرار
واش يزيد .. ولا ينقص ..
و علاش ينقص؟ .. وعلاش يزيد ؟
وإذا سولناه في الليل أو في النهار
" شحال في الساعة؟"
كيجاوبك " واش لقديمة ولا الجديدة؟"
أو كيعطيهم ليك بجوج
ويخليك أنت للي تختار..
عقارب الساعة حتى هي انتافضات
واحتجات وللشوارع خرجات
تنادي وتطالب بالكرامة وبحقوقها
اللي هضموها اصحاب البزنس والشكارة
واك واك .. سخسختونا
غير قيلونا عليكم يا الحﯕارة ..
شوفوا آشنو تزيدوا من غيرنا
راه موجود ما يدزاد وما يتصلح
إلى في نيتكم بصح تكونوا
في الصدارة ..
واك .. واك .. طيبتو لينا القلب
طرطقتو لينا المرارة ..
زيدو ساعة .. نقصو ساعة
هكذا الشعب ينشغل ويتلاها
ما بين القديمة والجديدة ..
و ما يبقى يفكر لا في انتفاضة
ولا في ثورة ولا فشي ضسارة ..

كيف زدنا ساعة .. كيف نقصناها ..
الوقت عندنا ما عندو قيمة
و لا هو من بين ثقافتنا
اللي كتهتم غير بالقشور
وتوافه الأمور
و........
واللبيب يفهم من الإشارة !

http://www.sawa24.com/forum/uploaded...larmclock.jpeg