منتديات الأستاذ التعليمية التربوية المغربية : فريق واحد لتعليم رائد - حصري: طريقة وحيلة لتقديم الحلوى أو اهدائها بالصور و الشرح

السلام عليكم و رحمة الله و بركاته
بمناسبة عيد الفطر السعيد، فكرت في اهدائكم طريقة أو حيلة لتقديم الحلوى او اهدائها الى أحبائكم و أصدقائكم في المناسبات.
هي سهلة، اقتصادية و راقية،
سأشرح لكم بالاخير لماذا هي حيلة :)فتابعوني
ولا تنسوني من دعائكم.
غادي نحتاجو لدوك البلايك اللي كنلقاوها مع الثلاجة او التلفاز ايلا شريناهم يمكن سميتو الفرشي ،الصورة غادي توضحو ليكم ،اصلا مترميوهش راه كيصلاح لبزاف دالحاجات.
غادي نحتاجو كذلك سينتا في اي لون بغيتي+ فنيتاتصغار و نعملو معاهم عقيق و موزون+أو فنيتات كبار ملونين و ما نحتاجوش العقيق والموزون وغادي نحتاجو les cures dents باش نثبتو الطبقات.
+ ورق الالمنيوم + بلاطو ديال الحلوى
كيظهر لي ،باراكا نخليكم مع الصور .
http://multiply.com/mu/monart81/imag...nmid=483420376

http://multiply.com/mu/monart81/imag...nmid=483420376

نتمنى تنال الفكرة اعجابكم و طبقوها
نجيو دابا لعلاش هي حيلة وعلاش اقتصادية
اقتصادية لانها مكتكلفش شي حاجة غالية و كثيرة.
حيلة لانها كتقدم فشكل جذاب و كتهز قليل ديال الحلوى،اذا لاحظتو مزيان فهناك أشكال اللي حطيت فيهم فقط 3 ديال الحبات وكاين 4 وهكذا
اذا بغيتي تحطيه لضيوفك مغاديش تحشمي تحطي طبسيل صغير،فهذا أنيق ومعمر العين وغادي تحطي فيه نفس اللي غادي تحطي ولكن بطريقة أنيقة.
أو اذا بغيتي تهديه فشي مناسبة كتغلفيه و تشديه بشرائط ملونة و يمكن تزيدي تفنني فيه باضافة ورود حقيقية او اصطناعية على حسب الموجود وعلى حسب خيالك و ابداعك
وهكذا كتكوني قدمتي هدية راقية و تكايستي على جيبك:)
ايوا شي دعيوة بظهر الغيب الله يسعدكم دنيا و آخرة