ليوم حبيت نشارككم بهاد البسطيلة البسيطة من حيث المقادير والخدمة وتنفعكم في تغيير الروتين
اوا قولي المقادير او باراك من تفلسيف ههههههههه

مقادير مرق الدجاج:



2 بصلات مشلضين
ضرس ثوم (منكتروهاش)
القزبر والمعدنوس مقطعين
الدجاج حسب المتوفر حتى 1,5 كيلو
العطرية: البزار+ سكين جبير+ ملح + الخرقوم البلدي + الملون الغدائي
زيت الزيتون و زيت المائدة ( نسيت ماصورتهمش)

الطريقة:

نضع الكل في طنجرة الضغط مع حك الثوم



ونخليوه حتى يتشحر عاد نضيفو الماء



نسدو الطنجرة ونخليوه حتى يطيب وينشف من الماء عاد نحلو عليه ثم نفتتوه مع ازالة العظام والجلدة
(ملي كان الدجاج كيطيب وجدت الورقة بطريقة شوميشة :قياس من الدقيق نفسه ماء يعني الى درتي كاس دقيق نستعملو كاس ماء نطحنو الكل في الخلاط جيدا نديروالتفال على حمام مريم ونبداو النوجدو الورقة بالشيتة واللي طابت ندهنوها بالزيت)

هادي كل المقادير اللي غادين نحتاجو



الدجاج مفتت
الشعرية الصينية المطلوقة بالماء الساخن
الورقة
الفطر ماكول (علبة متوسطة) مقطع
الزيتون اخضر دوائر
الكورنيشو دوائر (4 او 5 حبات)
المعدنوس مقطع
الحامض مسير مقطع ( ربع حامضة)
الموزريلا محكوكة او الادام حسب المتوفر
الكامون
الهريسة
التحميرة نسيت ماصورتهاش هي والشرمولة ديال الدجاج

كنوضعو جميع المقادير عدا الفروماج مع الشرمولة اللي فالطنجرة نخلطو الكل ونعمرو بيه البسطيلة ونزينو بالموزريلا





نضع قطع الزبدة ثم تدخل الفرن



وهاهي واجدة بالصحة والراحة



لا تنسوني من دعائكن الخالص للأمة الفقيرة لله