|
بغيت ياناس نخدم ونجيب حتى أنا الدرهم بغيت ياناس نخدم بحال جميع الناس نجيب حتى أنا الدرهم وندير حتى أنا الساس مانبقى جالس نخمم قدام ذاك البرلمان محتاس شحال سال ليا من دم وشحال سمعت من جراس هزيت كدم وحطيت كدم ماكاين غير العصا فالراس حتى ذاك اليهودي يسلم ونبقى أنا ديما عساس راسي فايض بالعلم وشكون بغاه يا ناس؟ +++++++ حرقنا الشواهد وهرسنا لقلام ولا حد فينا خدم عام على عام طفات لحلام وبقينا جالسين كيف الردم شحال سمعنا من زين لكلام وحالنا مابغا يتسكم احفاوا لينا العينين وزادوا لقدام والدم فينا كرم شحال هزينا من علام وشحال ضربنا من كدم شحال علّينا من جبال فلحلام ولاحد فينا من الضرب سلم +++++++ اليوم طوينا صفحة لكلام وشمرنا على ذاك الكم بغينا نحققوا لحلام ومانبقاوا ذايعين بحال لغنم دستورنا الجديد لابد يعلي لينا لمقام ونحقنوا هاذ الدم براكا من فيض لكلام وبراكا من ذاك السم لابد ما يتحايد لينا هاذ لغمام ويزول هاذ الغم ونرقصوا مع ذوك الريام ونوظفوا ذاك العلم ونعيشوا فهنا وسلام ونصاحبوا حتى احنا الدرهم نديروا دار وشي اولاد بالعرام ونديروا حتى احنا سيارة لحلام ومانبقاوا نمشيوا على لكدم نغنيوا مع لحمام أغاني السلام ونصوتوا حتى احنا بحال جميع الناس ب نعم نعم نعم نعم نعم للدستور نعم للدستور http://4.bp.blogspot.com/-bAJ3S3Q9uN...ns%2Btitre.JPG http://www.toupress.com/wp-content/u...ooknewgrop.jpg |
رد: بغيت ياناس نخدم ونجيب حتى أنا الدرهم ان شاء الله نشوفوك خدام وزايد القدام راكب احسن سيارة كلشي واعر فيها تا داك لفران وتعيش فبلاد زينا زايدا بشعبها للقدام لا خوف .. لا بطالة لا قمع ..لا اعدام المغرب زين يا لحباب وما زال حنانزينوه و نزيدوا بيه القدام ابو العز قصيدتك الزجلية رائعة بروعة احساسك الملامس للواقع المعاش اتمنى ان يتغير الحال الى الاحسن فلا نرى اي معتصمين لاجل اثبات هويتهم والدود عن كرامتهم وحقهم في المشاركة لاجل بناء هذا الوطن الغالي تحياتي مرفوقة باحترامي |
رد: بغيت ياناس نخدم ونجيب حتى أنا الدرهم نتمنى ينجح الدستور و يصبح مركز كلشي عليه يدور يبني مدارس , معاهد ..و ديور و يمنع الزرواطة و القمع و يعود كل عاطل بعمل مبشور و تتحقق الأماني , و يعم الرخاء و تتفاجى الصدور .... بوركت أخي العزيز أبو العزّ |
رد: بغيت ياناس نخدم ونجيب حتى أنا الدرهم اقتباس:
همس الروح إنك زجالة واعدة وذات قلب طيب أشكرك على ردك الجميل الذي أضحكني عندما قلت مايلي: راكب احسن سيارة كلشي واعر فيها تا داك لفران الله يعطيك الصحة ويحفظك لينا ويعلي مقامك,ويغطيك بالرضا ويفرشك بالرضا شفتي هاذ الدعوة ديال جدودنا شحال زوينة؟ مابقاتش هاذ الدعاوي كتدور في هذا الزمان ,ولكن كل ماهو قدييييم تجدينه عند أخيك : أبو العز العز العز العز لعلمك أختي همس ,إن ماأكتبه لاعلاقة له بي أنا شخصيا,أنا أكتب عن كل ماأراه من حولي من أحداث فقط. لي عملي الذي أعتز به ,ولي مكانتي داخل هذا المجتمع,مكانة بنيتها طوبة طوبة بنفسي,وأرجو أن نكمل المشوار في رخاء ونعيم ,مع هذا الدستور الجديد,الذي سنصوت عليه جميعا إن شاء الله ب: نعم للدستور تبارك الله عليك مودتي |
رد: بغيت ياناس نخدم ونجيب حتى أنا الدرهم اقتباس:
هاذ الدستور لابد يفاجي الصدور ويقطّعنا ويدان وبحور وكلشي يبقى فينا مبهور تبارك الله على خويا العزيز الشريف السلاوي سيد المحيطات وحتى البحور مودتي لك باقى كتدور الله يحفظك لينا يا زين السطور |
رد: بغيت ياناس نخدم ونجيب حتى أنا الدرهم اقتباس:
طبعا اعرف ان لك عمل وهذا واضح لكن ردي اخي كان على النص ايضا وليس عليك انت ومع ذلك لو دققت فيه لوجدت اني تمنيت لك الخير كله بحيت قلت لك ..وزايد القدام ...يعني لن تقف مكانك باذن الله وتترقى للافضل دوما اخي ابو العز تقبل مزاحي الثقيل لك كل احترامي طبعا وتقديري |
رد: بغيت ياناس نخدم ونجيب حتى أنا الدرهم اقتباس:
بالعكس أختي الكريمة همس إذا كان هذا المزاح ثقيلا فامتعينني به وأضيفي له أثقالا من مزاحاتك لا يا أختي مزاحك جميل جدا ويسعدني كثيرا والدليل أن طيوري سعيدة بدورها بمزاحك اللذيذ. اللهم اجعلنا من الناس المازحين الضاحكين الغيورين عن هذا المنتدى الجميل. تقبلي مني كل حريفاتي فما حريفاتي إلا وسيلة لخلق الألفة والمرح والمزاح ,وكذا إضافة بعض التوابل لهذا المنتدى الحبيب الذي نحبه ونتفانى في خدمته ,لأنه دائما يخدمنا ونحسُّ دائما أننا لازلنا لم نوفّه حقه. سعيد أنا بمزاحك أختي وأرحب به بل أترقبه وأحن إليه . مودتي لك دائمة أختي همس أدام الله علينا همساتك يا همس. |
| الساعة الآن 14:24 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd